राप्रपा नेपालको चुनाव चिह्न तीर कायम

२१ भदौ, काठमाडौं । राष्ट्रिय प्रजातन्त्र पार्टी(नेपाल)को चुनाव चिह्नबारेको रिट सर्वोच्च अदालतले खारेज गरेको छ । सर्वोच्च अदालतमा राप्रपा नेपालले निर्वाचन आयोगले प्रदान गरेको तीर चुनाव चिह्न खारेज गरी गाई कायम गरिदिन रिट दायर गरेको थियो ।

उक्त मुद्दामा अदालतले आज रिट खारेज गरेको हो । अदालतले रिट खारेज गरेपछि राप्रपा नेपालको चुनाव चिह्न तीर नै कायम हुने भएको छ । सर्वोच्चको उक्त आदेशपछि निर्वाचन आयोगले राप्रपा नेपालको चुनाव चिह्न तीर राखेर मतपत्र छाप्ने बाटो खुला भएको हो ।