बङ्गलादेशकी प्रधानमन्त्री हसिना र भारतीय राष्ट्रपति मुर्मुबीच भेटवार्ता

२१ भदौ, काठमाडौं। बङ्गलादेशकी प्रधानमन्त्री शेख हसिनाले मङ्गलबार नयाँ दिल्लीमा भारतकी राष्ट्रपति द्रौपदी मुर्मु र उपराष्ट्रपति जगदीप धनखरसँग भेटवार्ता गरेका छन् ।

राष्ट्रपति भवनमा शेख हसिनालाई स्वागत गरेपछि राष्ट्रपतिले मुर्मुले “हाम्रो साझा इतिहास, भाषा र संस्कृतिले हामीलाई एकअर्कासँग जोडेको “ भनेकि छन् । सो अवसरमा प्रधानमन्त्री नरेन्द्र मोदी र प्रधानमन्त्री शेख हसिनाको नेतृत्वमा भारत र बङ्गलादेशबीचको द्विपक्षीय सम्बन्ध निकै अगाडि बढेको राष्ट्रपति मुर्मुले उल्लेख गरिन्। उनले दुई देशले बङ्गलादेशको स्वतन्त्रताको ५०औँ वर्ष र भारत–बङ्गलादेश द्विपक्षीय सम्बन्धको स्वर्ण जयन्ती मनाउने तरिका साँच्चिकै विशेष रहेको उल्लेख गरेकि छन् ।

यी ऐतिहासिक उत्सवहरूमा भाग लिन भारतका राष्ट्रपति र प्रधानमन्त्री दुवैको भ्रमणले भारतको ठूलो महत्व देखाउँछ । बङ्गलादेशले आफ्ना जनताको सामाजिक–आर्थिक समृद्धिमा ठूलो सफलता हासिल गरेकोमा राष्ट्रपति मुर्मुले खुसी व्यक्त गरिन् । उनले भारतले बङ्गलादेशको विकास यात्रामा भरपर्दो साझेदारको रूपमा निरन्तरता दिने आश्वासन समेत दिएकि छन् ।

राष्ट्रपतिले भनिन्, “हाम्रो सम्बन्ध सधँै सहयोग र आपसी विश्वासको भावनाले निर्देशित भएको छ । महामारी र वर्तमान अन्तरराष्ट्रिय परिस्थितिले विश्वव्यापी संकटसँग जुध्न भारत र बङ्गलादेश आर्थिक रूपमा थप जोडिनुपर्छ । उनले ले यो भ्रमणबाट दुई देशबीचको सम्बन्ध थप प्रगाढ हुने विश्वास पनि व्यक्त गरेकि छन् । राष्ट्रपतिसँगको भेटपछि बङ्गलादेशकी प्रधानमन्त्रीले उपराष्ट्रपतिसँग भेट गरी दुई देशका जनताको हितमा सम्बन्धलाई अगाडि बढाउने साझा प्रतिबद्धता दोहोर्याएकि छन् ।