६० प्रतिशत क्षेत्रमा काँग्रेसको दाबी, ४० प्रतिशतमा चार दल

२४ भदौ, जनकपुरधाम । नेपाली कांग्रेस मधेश प्रदेश कार्यसमिति बैठकले प्रतिनिधि सभा र प्रदेश सभा निर्वाचनमा ६० प्रतिशत क्षेत्रमा दाबी गरेको छ । बैठकले आम निर्वाचनमा तालमेल भए बाँकी रहेका ४० प्रतिशत सिटमा घटक दललाई दिनुपर्ने निर्णय गरेको हो ।

कांग्रेस केन्द्रीय कार्यसमितिले सत्ता गठबन्धनसँग मिलेर चुनावमा जाने निर्णय गरे बमोजिम गठबन्धनका घटक दलहरु सिट बाँडफाँटबारे दुई सातादेखि छलफल गर्दैछ । तर अझै सहमति हुन सकेको छैन् । कुन दलले कति सिट लिने भन्ने सत्ता गठबन्धनमा छलफलकै क्रममा छ। संघीय सरकारमा रहेका पाँच वटा दलकै सरकार मधेश प्रदेशमा पनि छ । तर मधेश प्रदेशमा जनता समाजवादी पार्टी सबैभन्दा ठूलो दल हो ।

‘मधेशमा कांग्रेसको सबैभन्दा धेरै जनाधार भएकोले ६० प्रतिशत सिट राखेर अरू गठबन्धनलाई छाड्ने निर्णय भएको’ प्रदेश समितिका एक जना सदस्यले बताए ।
साथै बैठकले जिल्लाबाट सिफारिस भई आएका सबै उम्मेदवारका नाम केन्द्रमा पठाउने पनि निर्णय गरेको छ।