लैनचोर पुगेर प्रधानमन्त्रीले शोक व्यक्त गरे

२५ भदौ, काठमाडौं । प्रधानमन्त्री शेरबहादुर देउवा शनिबार बिहान बेलायती दूतावास पुगेका छन् । बेलायतकी महारानी एलिजाबेथ द्वितीयको निधनप्रति दुख व्यक्त गर्न प्रधानमन्त्री देउवा दूतावास पुगेका हुन ।

प्रधानमन्त्री देउवाले काठमाडौंको लैनचोरस्थित दूतावासमा राखिएको शोक पुस्तिकामा सन्देश लेख्दै हस्ताक्षर गरेका छन् । सो अवसरमा प्रधानमन्त्री देउवाले नेपालका लागि बेलायतकी राजदूत निकोला पोलिट्टलगायतका अधिकारीहरुसँग सामान्य छलफल गरेका थिए ।

महारानी एलिजाबेथ द्वितीयको ९६ वर्षको उमेरमा गत् बिहीबार राति निधन भएको थियो । यसअघि राष्ट्रपति विद्यादेवी भण्डारी शुक्रबार अपरान्ह लैनचोर पुगेर शोक प्रकट गरेकि थिइन् ।