न्युजिल्याण्डमा कोरोनाबाट करिब दुई हजार संक्रमित, छयालीसको मृत्यु

२८ भदौ, एजेन्सी  ।  न्युजिल्याण्डमा कोरोनाबाट सोमबार मात्र करिब दुई हजार जना संक्रमित भएको बताइएको छ । यहाँका स्वास्थ्य मन्त्रालयले दिएको जानकारीअनुसार यहाँ कोभिडबाट एक हजार नौ सय ४१ जना संक्रमित भएका हुन् ।

सो मन्त्रालयले मङ्गलबार दिएको जानकारीअनुसार उक्त संक्रमण गएका केही हप्ताको तुलनामा अहिले कम हुदै गएको छ । साथै सोमबार यहाँका ४६ जना  संक्रमित यो संक्रमणबाट मृत्यु भएको पनि बताएका छन् ।

जुलाई महिनाको सुरुको हप्तामा यहाँ दैनिक नै दश हजार जनामा संक्रमण हुने गरेको थियो । तर पछिल्लो समयमा यो संख्या घट्दै गएको र अहिले आएर दैनिक करिब दुई हजार जनामा मात्र यो संक्रमण भएको पाइएको बताइएको छ ।

यहाँ कोरोनाको संक्रमण सुरु भएदेखि सन् २००० यतादेखि अहिलेसम्म १७ लाख भन्दा बढीमा यो संक्रमण भएको बताइएको छ । यहाँ यो संक्रमणबाट हुने मृत्युदरमा भने कमी आएको पनि बताइएको छ ।

यहाँको स्वास्थ्य मन्त्रालयले दिएको जानकारी अनुसार यो संक्रमणबाट यहाँका एक हजार ९६२ जना व्यक्तिको मात्र निधन भएको जनाएको छ ।