निलम्बित प्रधानन्यायधीश जबरासँग आज पुन: बयान लिइदै

३१ भदौ, काठमाडौं । संसदको महाभियोग सिफारिस समितिले निलम्बित प्रधानन्यायधीश चोलेन्द्र शमशेर जबरासँग पुन: बयान लिने भएको छ । समितिको आज बस्ने बैठकमा जबरासँग बयान लिइनेछ ।

बैठक बिहान ११ बजे बस्दैछ । बिहीबार कानुन व्यवसायीले दिएको बयानबारे आजको बैठकमा जबरासँग सोधपुछ गर्न लागिएको हो ।

बिहीबारको बयानका क्रममा जबराले लगाएका आरोपमा नाम मुछिएका कानुन व्यवसायीले समितिलाई जवाफ दिएका थिए । समितिले वरिष्ठ अधिवक्ताहरू चण्डेश्वर श्रेष्ठ, शम्भु थापा, ओमप्रकाश अर्याल, पूर्णमान शाक्य लगायतसँग बयान लिएको हो ।