कांग्रेसका दुबै महामन्त्री बिरामी, शर्मा घर फर्किदा गगनलाई भयो डेँगु

३१ भदौ,काठमाडौं ।  आगामी प्रदेश प्रतिनिधिसभका निर्वाचनका लागि उम्मेदवार चयनको मारामारी चलिरहेका बेला नेपाली कांग्रेसका महामन्त्रीद्वय गगनकुमार थापा र विश्वप्रकाश शर्मा विरामी परेका छन् । महामन्त्री शर्मा मृगौलामा पथ्थरी भएका कारण त्यसको अप्रेसन गरी दुई दिन अघिमात्र घर फर्किएका छन् भने अर्का महामन्त्री गगन थापालाई डेँगु पुष्टी भएको छ ।

थापालाई हिजो बिहीबार डेँगु पुष्टी भएको हो । अस्पतालमा परिक्षण गरी अहिले महामन्त्री थापा ज्ञानेश्वरीस्थत आफ्नै निवासमा उपचार गराइरहेका छन् । महामन्त्री थापाका स्वकीय सचिव शैलेश सिटौलाका अनुसार चिकित्सकले उनलाई भिडभाडमा नबस्न सल्लाह दिएको र थापाले घरमै चिकित्सकले सिफारिस गरेको औषधी लिइरहेका छन् ।

निर्वाचन आयोगले समानुपातिक तर्फको बन्दसूची बुझाउने म्याद असोज २ र ३ गते तोकेको छ । तर, उम्मेदवार चयनमा महत्वपूर्ण भूमिका खेल्नुपर्ने दुबै महामन्नत्री विरामी भएपछि कांग्रसका समानुपातिक उम्मेदवार चयनमा समस्या देखिएको छ । महामन्त्री थापाले यसअघि सबै व्यवस्थापन गर्दै आएका थिए । स्वकीय सचिव सिटौलाका अनुसार थापालाई अध्याधिक धपेटी भएकालले स्वास्थ्यमा अन्य असर पनि परेको छ ।

महामन्त्री थापा केही दिन देखि बिहान ८ बजेदेखी राती अबेरसम्म कार्यकर्ताको गुनासो सुन्ने र टिकटका लागि आउनेहरुसँग वार्तालाभमै व्यस्त रहदै आएका थिए । उनी अब एकसाता काममा फर्न नमिल्ने चिकित्सकले बताएका छन् । यता अर्का महामन्त्री विश्वप्रकाश शर्मा भने आज बाट काममा फर्कने बबताइएको छ । शर्माले सामाजिक सञ्जालमार्फत पनि औषधीको सहारामा शुक्रबारदेखि पार्टी कार्यलयमा बस्ने जनाएका छन् ।

शर्माका सहयोगीका अनुसार महामन्त्री शर्मालाई भेटन् बिहीबार अबेरसम्मा ६ सयभन्दा बढीले नाम टिपाएका छन् । उनले आजदेखि नाम टिपाएकाहरुलाई भेटेर आगामी निर्वाचनका विषयमा छलफल गर्ने बताइएको छ । दुबै महामन्त्री विरामी परेपछि प्रधानमन्त्रीसमेत रहेका कांग्रेस सभापति देउवालाई थप सकस परेको छ । क्लस्टरबाट उम्मेदवार चयन गर्न सहमहामन्त्रीहरुलाई जिम्मेवारी दिइएको छ भने बाँकी काम अहिले ठप्प छन् ।