बससेवाले सुरू गर्यो दशैंका लागि अनलाइन टिकट बुकिङ, मोबाईलबाटै सबै गन्तब्यको लिन सकिने

३१ भदौ, काठमाडौं । नेपालमा अनलाइन मार्फत बस टिकट सेवा प्रदान गर्दै आएको बससेवा डटकमले दशैंका लागि अग्रिम टिकट बुकिङ सुरू गरेको छ । यात्रुहरूले नेपालका कुनै पनि गन्तव्यका टिकट आफ्नो मोबाईल मार्फत सहजै काट्न सकिने छ ।

बुकिङ खुला भएसँगै यात्रुहरूले सहजै अनलाइनबाट दशैंको अग्रिम टिकट बुकिङ गर्न सक्नेछन् । साथै दशैंमा गएका यात्रुहरूले पर्कनका लागि पनि बससेवाबाटै टिकट काट्न सक्नेछन् । बससेवाबाट नेपालका अधिकांश रूटहरूका टिकट काट्न सकिन्छ । यात्रुहरूले बससेवा डटकम, तथा बससेवाको मोबाईल एप्लिकेशनबाट टिकट बुकिङ गर्न सक्नेछन् । यात्रुहरूले असोज १ गतेदेखि मोबाईलदेखि नै आफ्नो गन्तब्यको टिकट काट्न सक्नेछन् ।

अनलाइन टिकट सुविधाबारे बससेवाका प्रमुख कार्यकारी अधिकृत पीआर खनालले भने ‘हामीले बिगत देखि नै यात्रुहरुलाई सहजहोस् भनेर अनलाइनबाट टिकट काट्ने व्यवस्था मिलाउँदै आएका थियौँ, यस पटक हाम्रो सिस्टममा पर्याप्त टिकटको व्यवस्था भएकाले घरबाटै टिकट बुकिङ गरि सहज रुपमा यात्रा गर्नु हुन अनुरोध गर्दछौँँ ’ ।

अनलाइनबाट टिकट काट्न इसेवा एकाउन्ट भएका ग्राहकले सिधै आफ्नो मोबाईल तथा इन्टरनेटबाट टिकट काट्न सकिने छ भने इसेवा एकाउन्ट नभएका ग्राहकले नजिकै रहेको इसेवाजोन तथा पोन्इन्टबाट टिकट काट्न सक्नेछन् ।

मुलुकभर रहेका इसेवाका १ लाख ५० हजार भन्दा बढि एजेन्ट नेटवर्कबाट समेत टिकाट काट्न सकिने छ । साथै खल्ती, आइएमईपेका एजेन्ट नेटवर्कंका साथै हरेक बैंकका मोबाईल र्बैकिङ मार्फत समेत टिकट काट्न सकिने छ । बससेवा नेपालको एकमात्र अनलाइन बस टिकट विक्री गर्ने माध्यम हो । बससेवामा अधिकांश यातायात समिति तथा कम्पनी आबद्ध रहेका छन् ।