भारतमाथि ऐतिहासिक जित, नेपाली महिला टोली फाइनलमा

३१ भदौ, काठमाडौं । नेपाल छैटौँ साफ महिला फुटबल च्याम्पियनसिफको फाइनलमा प्रवेश गरेको छ । शुक्रबार साँझ दशरथ रंगशालमा भएको सेमिफाइनल खेलमा भारतलाई १-० गोलले हराउँदै नेपाल फाइनल प्रवेश गरेको हो ।

नेपालको जितमा रश्मी कुमारी घिसिङले गरेकि एक मात्र गोल निर्णायक रहन गयो । तामाङले नेपालका लागि पहलो हाफको इन्ज्युरी टाइममा गोल गरेकी थिइन् ।

महिला फुटबलको इतिहासमा भारतमाथि नेपालले जित हात पारेको यो पहिलो अवसर हो । महिला साफ च्याम्पियनसिप प्रतियोगिताको पाँच पटकको विजेता भारत सेमीफाइनलमा हार बेहोरेसँगै प्रतियोगिताबाट बाहिरिएको छ ।

फाइनलमा उपाधिका लागि नेपालले सोमबार बंगलादेशको सामना गर्दैछ । नेपाल फाइनलमा पाँचौं पटक पुग्दा यसअघिका चार वटै फाइनलमा भारतसँग हार बेहोरेको थियो । सेमीफाइनलबाटै बाहिरिने जोखिमका बीच नेपाली महिला टोलिलाई भारतमाथि ऐतिहासिक जित हात पार्न घरेलु प्रशंसकको उपस्थिति महत्वपूर्ण रह्यो । यसअघि नेपालले फाइनलमा चार पटक भारतसँग नै हार बेहोरेको थियो ।

समूह चरणमा भुटानलाई ४-० र श्रीलंकालाई ६-० ले हराएको नेपालले सेमिफाइनल खेलमा भारत विरुद्धको भेट तय गरेको थियो ।