चोलेन्द्रलाई महाभियोग लगाउन समितिको सिफारिस

१ असोज, काठमाडौं । महाअभियोग सिफारिस समितिले निलम्बित प्रधानन्यायाधीश चोलेन्द्रशमशेर जबरालाई महाअभियोग लगाउन सिफारिस गरेको छ ।

११ सदस्यीय समितिमा सत्तारुढ गठबन्धनमा आवद्ध दलका ६ सांसदले बहुमतका आधारमा प्रतिवेदन पारित गरेका हुन् । नेकपा एमाले र लोकतान्त्रिक समाजवादी पार्टीका गरी ५ सदस्यले भने फरक मत राखेका छन् ।

नेकपा एमालेले प्रतिवेदनमाथि ८ बुँदे फरकमत राखेको छ । जबराविरुद्ध १ फागुन २०७८ मा ९८ सांसलले महाअभियोग दर्ता गरेका थिए भने १८ फागनुमा सिफारिस समिति पनि बनेको थियो । ४ मंसिरको चुनाव घोषणा भइसकेपछि संसदले २२ साउनमा सिफारिस समितिमा पठाएको थियो ।

महाभियोग सिफारिस समितिका छ जना सदस्य प्रतिवेदन लिएर सभामुख अग्निप्रसाद सापकोटा समक्ष पुग्दैछ ।