निलम्बित प्रधानन्यायाधीशको निवासमा ,राष्ट्रिय मानवअधिकार आयोगको टोली

२ असोज, काठमाडौं । जबराले आफूलाई सरकारले ‘नजरबन्द’मा राखी बाहिर निस्कन नदिएको प्रतिक्रिया दिएपछि मानवअधिकार आयोगको टोली उनको निवासमा पुगेको छ ।

राष्ट्रिय मानवअधिकार आयोगको एक टोली अहिले बालुवाटारस्थित निलम्बित प्रधानन्यायाधीश चोलेन्द्र शमशेर जबराको निवासमा पुगेको हो ।

निलम्वित ‘प्रधानन्यायाधीशलाई घरबाट बाहिर निस्किन दिइएन भन्ने कुरा आयो, त्यसैले के भएको रहेछ भनेर बुझ्न हाम्रो टोली उहाँको निवासमा गएको हो,’ राष्ट्रिय मानवअधिकार आयोगका प्रवक्ता डा टिकाराम पोखरेलले बताए ।