उपाधिका लागि नेपालले बंगलादेशको सामना गर्दै

नेपालबहस संवाददाता

असोज ३, २०७९ सोमबार १४:४१:३०

३ असोज, काठमाडौं । साफ च्याम्पियनसिप फुटबलको उपाधिका लागि नेपाली महिला टोलिले आज बंगलादेशको सामना गर्दैछ । साफ फुटबलमा महिला टोलिको खासै राम्रो इतिहास नरहेपनि यसपटक भने नेपालले इतिहास बनाउने सुनौलो मौक सृजना गरेको छ ।

नेपाल र बंगलादेशबीचको खेल नेपाली समय अनुसार आज साँझ ५ : ३० बजे त्रिपुरेश्वरस्थित दशरथ रंगशालामा सुरु हुनेछ । महिला फुटबल टोलि विगतका पाँच साफ फुटबल च्याम्पियनसिपमध्य चारमा फाइनल पुगेर नतिजा भारतलाई सुम्पेको छ। नेपाल एक पटक पनि च्याम्पियन बन्न सकेको छैन । नेपाल फाइनल पुगेको क्षणमा भारत तगारो बन्दै आएको थियो । तर, यो पटक भने अवस्था बेग्लै छ । नेपाली टोलीले फाइनलमा बंगलादेशसँग प्रतिस्पर्धा गर्दैछ ।

सन् २०१६ को साफ फुटबलको फाइनलमा भारतसँग हारेको बंगलादेशले यो पकट भने नेपाललाई प्रतिद्वन्द्वी पाएको हो । नेपाल यो पटक बंगलादेशलाई हराएर ऐतिहासिक सफलता प्राप्त गर्ने योजनामा छ । नेपालका मुख्य प्रशिक्षक कुमार थापाले बंगलादेशलाई हराएर उपाधि जित्दै घरेलु दर्शकलाई खुसी पार्ने योजना बनाएको बताए ।

नेपाली टोलीकी कप्तान एन्जिला तुम्बापु सुब्बाले खेलाडीहरु पूर्ण रुपमा तयार रहेको र घरेलु मैदानमा हुन लागेको यो साफलाई खेर जान नदिने बताइन् । बंगलादेशकी कप्तान सविना खातुनले घरेलु समर्थकको अघि खेल्न धेरै दवाव भएपनि आफ्नो खेलाडीहरूले कुनै पनि दवाव सम्हाल्न सक्ने अनुभव भएको बताइन् ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप