बर्दियामा करेन्ट लाग्दा एक बालिकासहित २ जनाको मृत्यु

♦ दीपक शर्मा

३ असोज, बर्दिया । करेन्ट लाग्दा दुई जनाको मृत्यु भएको छ । जिल्ला प्रहरी कार्यालय बर्दियाका अनुसार गुलरिया नगरपालिका वार्ड न ९ निवासी ९ वर्षिय बालिका खुस्बु धोवि र बारबर्दिया नगरपालिका वार्ड न ८ दुधाका ३३ वर्षिय शनिराम थारुको करेन्ट लागेर मृत्यु भएको जनाएको छ ।

खुस्वुलाई घरमै करेन्ट लागेको बताइएको छ भने थारुलाई मन्दिर निर्माण गर्ने क्रममा करेन्ट लागेको थियो । करेन्ट लागी गम्भिर घाइते भएका दुवै जनाको उपचारको क्रममा गएराति मृत्यु भएको प्रहरीले जनाएको छ ।