ओली कार्यकालमा तीन प्रधानन्यायाधीश, जबरासँग किन बढ्यो निकटता ?
केदार भट्टराई (काका)
असोज ३, २०७९ सोमबार २१:४६:४९
३ असोज, काठमाडौं । नेकपा विभाजनका समयमा सर्वोच्च अदालतले गरेका निर्णयबारे टिप्पणी गर्दा नेकपा एमालेका अध्यक्ष केपी शर्मा ओलीले प्रधानन्यायाधीश चोलेन्द्रशमशेर जबरातर्फ लक्षित गर्दै न्यायालय पनि संविधान सम्मत नचलेको बताएका थिए । दुइदुई पटक विघटन गरेको प्रतिनिधिसभा जबराले व्युताएपछि छटपटाएका ओलीले भविश्यमा यसका निर्णयकर्ताहरुमा प्रश्न उठ्ने उनको भनाइ थियो ।
कांग्रेस सभापति शेरबहादुर देउवा नेतृत्वमा गठबन्धन सरकार बनाउन पनि जबराले सहयोग गरेको भनाई ओलीले धेरै ठाउँमा राखे । सत्ता गठबन्धनमा रहेका दलहरुले अचानक प्रधानन्यायाधीश जबरामाथि महाअभियोग लगाएपछि केही समय चुप बसेका अध्यक्ष ओली अहिले खुलेरै जबराको पक्षमा वकालत गरिरहेका छन् । उनको यो वकालतलाई कतिपय सामाजिक सञ्जालले शक्ति पृथकीकरणभित्र बोलकबोल लुकेको अर्थ्याउन खोजेका छन् ।
२०७४ को आम निर्वाचनपछि प्रधानमन्त्री बनेका ओलीले उनको सत्ता बहिर्गमनमा नपरुन्जेल कामूसहित चारजना प्रधानन्यायाधीशसँग काम गरेका छन् । उनी प्रधानमन्त्रीमा नियुक्त हुँदा सर्वोच्च अदालतको प्रधानन्यायाधीशमा गोपाल पराजुली कायम थिए । पराजुलीको कार्यअवधि ६ महिना बाँकी छँदै उमेर विवादमा परेका थिए । ओली प्रधानमन्त्री भएपछि पराजुलीलाई राजीनामा गराउन उनले विभिन्न नागरिक अभियान्ताहरु परिचालन पनि गरेका थिए । अनशनरत डा.गोविन्द केसीलाई पनि पराजुली विरुद्धमा परिचालन गरिएको थियो ।
उमेर हदको विवाद चर्कदै गएपछि २०७४ फागुन ४ गते प्रधानमन्त्री भएका ओलीले पराजुलीलाई राजीनामा गर्न बाध्य बनाएपछि उनले चैत्र १ गते राष्ट्रपतिसमक्ष राजीनामा दिए । त्यसपछि वरिष्ठतम न्यायाधीश दीपकराज जोशी कामू प्रधानन्यायाधीश भएका थिए । न्यायपरिषदले प्रधानन्यायाधीशमा जाशीको नाम सिफारिस गरेपछि जोशी निजी निवास छाडेर बालुवाटार सरे । तर, उनीसँग ओलीको मोलमोई नमिलेको चर्चा सुरु भयो । जोशीलाई संसदीय समितिबाट अनुमोदन हुन दिइएन् । उनीसँगै सिफारिसमा परेका अर्का न्यायाधीश ओमप्रकाश मिश्र जोशीका ठाउँमा प्रधानन्यायाधीश भएर आए ।
उनको कार्यकाल ६ महिनाको मात्र भएकाले मिश्र खासै वार्गेनिङको विवाद आएनन् । उनकै समयमा जिल्ला, उच्च र सर्वोच्च अदालतमा न्यायाधीश नियुक्त गर्नुपर्ने थियो । त्यसमा पनि ओलीले धम्क्याएर नियुक्ति र सिफारिस गर्न नदिएको चर्चा सुरु भयो । तर, मिश्र आफै विवादमा आउन नचाहेकाले उनले ठूला मुद्दामा समेत हात हालेनन् । मिश्रपछि प्रधानन्यायाधीश बन्ने पालो थियो, अहिलेका प्रधानन्यायाधीश चोलेन्द्रशमशेर जबराको । दीपकराज जोशीको कार्यकाल बाँकी नै रहेकाले प्रधानमन्त्री रहेका ओलीले जबरासँग खेल्ने मौका पाए ।
तत्कालीन समाचार स्रोतहरुले उल्लेख गरे अनुसार ओलीले जबरासँग कबुलियत गराउन आफ्ना निकटस्थहरुलाई खटाएका थिए । छलफलमा प्रस्ताव भए अनुसार जाने कुरामा जबरामा हिम्मत भएन र उनले पनि अरू कोही सहयात्री खोज्न थालेका थिए । एमालेभित्रकै एक समूहले जबरालाई यति समूहका तत्कालीन प्रमुख आङछिरिङ शेर्पासँग भेट गराएपनि जबराको ग्यारेन्टीमा शेर्पा बसेका थिए । तर, पछि हेलिकोप्टर दुर्घटनामा उनको मृत्यु भएपछि ओली समस्यामा परे ।
जबरा प्रधानन्यायाधीश भएपछि केही स्वार्थ समूहका मुद्दाबाहेक अरु विषय सहमति अनुसार नभएको स्रोत बताउँछ । तत्कालीन समयमा ५ अर्बको हल्ला बजारमा आएको थियो । शेर्पा नभएका करण कबुलियतमा जबराले अझै आस देखाएकाले ओली उनलाई पुनः सर्वोच्च अदालत फर्काउन चाहन्छन् । यसले गर्दा ओली अहिले जबराको वकालतमा लागेको निकटस्थ स्रोतहरु बताउँछन् । ओलीले यस विषयमा राष्ट्रपतिले खेल्नसक्ने भूमिकाबारे पनि परामर्श गरिरहेका छन् ।
सरकारले जबरालाई सर्वोच्च छिर्न नदिएर उनको सेवासुविधासमेत खोसेपछि राष्ट्रपति भण्डारीसँग भेट गरेका समाचारहरु पनि बाहिरिन थालेका छन् । बालुवाटारमा आइतबार जबरालाई प्रहरीले निगरानीमा राखेपछि एमाले अध्यक्ष ओली थप सक्रिय देखिएका छन् । आइतबार नै उनले प्रधानन्यायाधीश जबराले सफाइ पाइसकेको दाबी गरेका थिए । संसदको कार्यकाल सकिएसँगै महाअभियोग स्वतः निस्फल भएको भन्दै उनले प्रधानन्यायाधीशलाई प्रहरी घेरामा राख्नु गैरजिम्मेवार क्रियाकलाप भएको आरेप लगाएका थिए ।
महाअभियोग प्रस्ताव टुंगो नलगाई वेवारिसे बनाएर प्रतिनिधिसभा सदस्यहरुको कार्यालय शनिबार मध्यरातमा सकिएपछि जबराले आइतबार सर्वोच्च अदालत फर्किन खोजेका थिए । प्रहरीले निवासमै कडा सुरक्षा घेरा दिएपछि उनी अदालत गएनन् । ओलीले भने यो घटनालाई अदालतमाथि भएको हस्तक्षेप भनेका छन् । पार्टीको सचिवालय बैठकपछि सञ्चारकर्मीहरुसँग कुरा गर्दै ओलीले महाअभियोग प्रस्ताव दर्ता भएपछि पास वा फेल हुनुपर्ने तर्क गरेका थिए । उनले सभामुखले सत्तापक्षको स्वार्थअनुसार ६ महिनासम्म अड्काएर राखेको भन्दै संसदको अधिवेशन मात्र नभएर महाभियोग प्रस्ताव पनि सकिएको धारण राखेका थिए ।
यता, राष्ट्रपति विद्यादेवी भण्डारीले संविधान दिवस मनाउने क्रममा प्रधानन्यायाधीशकै हैसियतमा चोलेन्द्रशमशेर राणालाई निम्ता दिएको हल्ला पनि चलेको थियो तर, जबरा गएनन् । ६५ वर्षे उमेर हदका कारण जबराले २६ मंसिरमा अवकाश पाउँदैछन् । यो अवधिसम्म सर्वोच्च जान खोज्ने र सरकारले रोक्ने श्रृङ्खला चलिरहन सक्ने देखिएको छ । यो अन्योलको अन्त्य गर्न विश्वासिलो मध्यस्थकर्ता चाहिने न्याय क्षेत्रका जानकारहरु बताउँछन् ।
जानकारहरुका अनुसार सर्वोच्च अदालतमा यसअघि पनि यस्तो अवस्था नआएको होइन । प्रधानन्यायाधीश पदमा बहाल रहेर १ चैत २०६९ मा मन्त्रिपरिषद् अध्यक्ष भएका खिलराज रेग्मी दोस्रो संविधानसभा निर्वाचनपछि २६ माघ २०७० मा सुशील कोइराला प्रधानमन्त्री चुनिएपछि सर्वोच्च फर्किन चाहेका थिए । कायम मुकायम प्रधानन्यायाधीश रहेका दामोदरप्रसाद शर्मा उनलाई फर्किन दिने पक्षमा थिएनन् । चुनाव सफल गराएका कारण रेग्मीप्रति सकारात्मक धारणा पनि उत्तिकै थियो । त्यो बेला नेपाल बार एशोसिएसनले मध्यस्थकर्ताको भूमिका खेलेको थियो ।
यता, कतिपयले आइतबार भएको घटनामा सरकार र जबरा दुबैको शैली आपत्तिजनक रहेको टिप्पणाी पनि हुन थालेको छ । राणाको बलमिच्याइँ रोक्न आवश्यक भएपनि सरकारले अपनाएको उपाय आपत्तिजनक र निन्दनीय भएकाे कतिपयको बुझाइ छ । उनीहरुको भनाइमा संसदीय समितिको बहुमतले महाभियोगको प्रस्ताव अगाडि बढाउने निर्णय गरेकाले जबराको निलम्बन पनि कायमै रहेको मान्नुपर्ने हुन्छ । यसैले प्रतिनिधिसभाकै कार्यकाल समाप्त भएकाले राणाको निलम्बन स्वतः फुकुवा भयो भन्ने तर्क हास्याँस्पद हुन्छ । यद्यपि, यस प्रश्नको अन्तिम निर्णय भने सर्वोच्च अदालतले नै गर्नुपर्छ ।
निलम्बन कायमै रहेका अवस्थामा राणाले सर्वोच्च अदालत फर्केर बलपूर्वक प्रधानन्यायाधीश पदमा पुनर्बहाली हुन खोज्नु पनि बलमिच्याइँ भएको र यस्तो बलमिच्याइँ रोक्नु सरकारको कर्तव्य भएकाले सर्वोच्च अदालतमा कुनै गैरकानुनी र अशोभनीय कार्य गर्नबाट जबरालाई रोक्न सर्वोच्च अदालतका न्यायाधीशहरूले नै विचार पु्र्याउनुपर्ने भनाइ पनि कानूनविदहरुको छ ।
केदार भट्टराई (काका)
नेपालबहस डटकमका कार्यकारी सम्पादक केदार भट्टराई दुई दशकदेखि नेपाली पत्रकारितामा क्रियाशील छन् । भूगोल साप्ताहिकबाट पत्रकारिता शुरु गरेका पत्रकार भट्टराईले साप्ताहिक विमर्श, देशान्तर, रेडियो नेपाल वाणी नेटवर्कमा काम गरिसकेका छन् । भट्टराईले आर्थिक, राजनीतिक, भ्रष्टाचार एवं विकृति र विसंगतिका विरुद्ध तीखो कलम चलाउँदै आएका छन् ।
लेखकबाट थपसन्दीप लामिछाने निर्दोष ठहर, जिल्ला अदालतको फैसला उच्चले उल्टायो
जेठ २, २०८१ बुधबार
सन्दीपको मुद्दाको सुनुवाइ सकियो, फैसला आउँदै
जेठ २, २०८१ बुधबार
सन्दीपको मुद्दामा फैसला सुनाउन उच्च अदालत पाटनमा कडा सुरक्षा
जेठ २, २०८१ बुधबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
ताप्लेजुङमा टपरी गाँस्ने प्रतियोगिता
जेठ ४, २०८१ शुक्रबार
काठमाडौँमा ‘न्यूयोर्क राइटर्स वर्कसप’ र ‘हिमालयन लिटरेचर फेस्टिभल’ हुँदै
जेठ ४, २०८१ शुक्रबार
गोरखामा पौडी खेल्ने क्रममा डुबेर दुईजनाको मुत्यु
जेठ ४, २०८१ शुक्रबार
बागमती प्रदेशसभाका चारवटा समिति सभापतिमा मनोनयन दर्ता
जेठ ४, २०८१ शुक्रबार
‘विद्युतीय सवारीसाधनको प्रयोग बढाउन आवश्यक’
जेठ ४, २०८१ शुक्रबार
लागुऔषधको कुलतबाट विद्यार्थी जोगाउन अभियान
जेठ ४, २०८१ शुक्रबार