रुस छाडेर जर्जिया जानेको सङ्ख्या बढ्यो

६ असोज, काठमाडौं । राष्ट्रपति भ्लादिमिर पुटिनले रुसी सर्वसाधारण युवालाई सामान्य प्रशिक्षणपछि हतियार लिएर युक्रेन पठाउने निर्णय गरेपछि रुस छोड्नेको सङ्ख्या बढेको छ । अन्तर्राष्ट्रिय सञ्चारमाध्यमहरुका अनुसार रुसबाट जर्जिया जानेको सङ्ख्या अत्याधिक बढेको हो ।

जर्जिया प्रवेश गर्न सीमा क्षेत्रको रुसी भूभागमा करिब पाँच किलोमिटरसम्म सबारी साधन सुरक्षा जाँचका लागि लाबद्ध छन् । बुधबार बिहान राष्ट्रपति पुटिनले युक्रेनमा सैन्य सहायता स्वरुप सर्वसाधारणलाई हतियारसहित परिचालन गर्ने निर्णय गरेपछि आफू जर्जिया जान लागेको नाम नखुलाउने शर्तमा एक युवाले बीबीसीलाई बताए ।

युक्रेनमा सैन्य हस्तक्षेपपछि रुसी नागरिक प्रवेश गर्ने थोरैमध्येको एक राष्ट्र जर्जिया हो । सैन्य हस्तक्षेप सुरु भए यता रुसबाट जर्जिया जानेको सङ्ख्या करिब एक लाख ४० हजार पुगेको बीबीसीले उल्लेख गरेको छ ।