सनराइज् बैंकले दियो नेपालबाल संगठनका बालबालिकालाई नयाँ लुगा

६ असोज, काठमाडौं । सनराइज् बैंकले आफ्नो १५औं वार्षिकोत्सवको अवसरमा संस्थागत सामाजिक उत्तरदायित्व अन्तर्गत बालमन्दिरका बालबालिकालाई नयाँ लुगा सहयोग गरेको छ ।

बिहिबार नक्सालस्थित नेपालबाल संगठनमा भएको एक कार्यक्रममा बैंकका निर्देशक शारदा शर्मा पुडासैनीले नेपालबाल संगठनका अध्यक्ष  विद्या न्यौपानेलाई उक्त सामानहरु हस्तान्तरण गरेकी हुन् ।

उक्त कार्यक्रममा बैकका प्रमुखकार्यकारी अधिकृत सुमन शर्मा लगायत बैंकका उच्चपदस्त अधिकारीहरुको समेत उपस्थित रहेको थियो । सधैझै आफ्नो वार्षिकोत्सवमा नेपालबाल संगठनलाई आवश्यक खाद्यसामाग्री, लत्ताकपडा आदि वितरण गदै आएकोमा बैकले यस वर्ष आउँदै गरेको दशैंलाई मध्यनजर गरी बालबालिकाको लागि नयाँ कपडा सहयोग गरेको बताएकाे छ ।

बाल हेरचाह,अनाथ, पिछडिएको, द्वन्द्व प्रभावित आदि बच्चाहरूको लागि शिक्षामा केन्द्रित सो संस्थालाई आउँदा वर्षमा पनि सहयोग गर्दै जाने बैंकका निर्देशक शारदा शर्मा पुडासैनीले बताए । बैकले १५औ वार्षिकोत्सवको अवसरमा देशव्यापी रुपमा बिभिन्न कार्यक्रमहरु गरी वार्षिकोत्सव भव्यताको साथ मनाउदै छ ।