सुरक्षा निकायको प्रारम्भिक अनुसन्धानमा यसरी भएको थियो रुकुममा वस दुर्घटना , मृतक सवैको पहिचान खुल्यो

♦ दीपक शर्मा
६ असोज, बाँके । रुकुम पूर्वको भूमे गाउँपालिका वडा नम्बर ३ को क्याङ्सीबगरमा भएको बस दुर्घटनामा ज्यान गुमाउने सबैको पहिचान खुलेको छ । काठमाडौंबाट रुकुमकोट तर्फ गइरहेको ग १ ख ९१०९ नम्बरको बस जिल्लाको भूमे गाउँपालिका वडा नम्बर २ खाबाङ नजिकै वडा नम्बर ३ को क्याङसीबगरमा दुर्घटनामा परेको हो ।

उक्त दुर्घटनामा परी मृत्यु हुनेमा रुकुम पूर्वको पुथाउत्तरगंगा गाउँपालिका वडा नम्बर ८ चारगाउँका ३६ वर्षिय पूर्णबहादुर बुढा, भूमे गाउँपालिका वडा नम्बर ५ डालिबाङका वर्ष २३ का बुद्धिमान बुढा, सिस्ने गाउँपालिका वडा नम्बर ६ का २ वर्षिय बालक सिजन खड्का र उनकी आमा ४० वर्षिया लक्ष्मी खड्काको मृत्यु भएको जिल्ला प्रहरी कार्यालय रुकुमले जानकारी दिएको छ ।

दुर्घटनामा परि बस चालक रामेछाप जिल्लाका २६ वर्षिय लिलाभक्त श्रेष्ठको पनि मृत्यु भएको छ । २ वर्षिय बालक सिजन र बुद्धिमानको जिल्ला अस्पताल रुकुमकोटमा मृत्यु भएको हो भने बाँकी ३ जनाको घटनास्थलमै मृत्यु भएको प्रहरीले जनाएको छ । त्यस्तै दुर्घटनामा परि गम्भिर घाइते ४ जनालाई उपचारका लागि बाँकेको कोहलपुर लगिएको छ सहायक प्रमुख जिल्ला अधिकारी हिरालाल आचार्यले नेपाल बहसलाई बताए ।
सुर्खेतबाट आएको नेपाली सेनाको हेलिकोप्टरले सिस्ने गाउँपालिका वडा नम्बर ६ का ३६ वर्षिय लालबहादुर खड्का, सोही ठाउँका ६ वर्षिय साइमान खड्का र १९ वर्षिया निरुता थापा तथा रुकुम पश्चिम आठबीसकोट नगरपालिका १३ का ३५ वर्षिय डम्बर नेपालीको अवस्था गम्भिर भएका कारण थप उपचारका लागी कोहलपुर मेडिकल कलेजमा लगिएको छ ।अन्य घाइतेहरुमा रुकुम पूर्वको भूमे गाउँपालिका वडा नम्बर ८ का ६१ वर्षिय मोहन बुढा, रुकुम पश्चिम मुसीकोट नगरपालिका वडा नम्बर ११ का २१ वर्षिय घमण्ड खड्का मगर, गुल्मीको मुसीकोट नगरपालिका वडा नम्बर ८ का २२ वर्षिय किसान क्षेत्री, रुकुम पूर्व भूमे गाउँपालिका वडा नम्बर ५ का २५ वर्षिय खमेन्द्र बढाु, भूमे ३ का ३२ वर्षिय शक्ति पुन, पुथाउत्तरगंगा गाउँपालिका ११ का २२ वर्षिय भरत बुढा, भूमे गाउँपालिका ५ का १९ वर्षिय सुवर्ण बुढा र बाग्लुङको बुर्तिबाङ नगरपालिका १ का १८ वर्षिय सुनिल पौडेल रहेको प्रहरीको भनाई छ ।

बस सडकबाट करिब ५० मिटर तल खसेको प्रहरीले जनाएको छ । जिल्ला प्रशासन कार्यालयका सूचना अधिकारी आचार्यका अनुसार सो रुटमा चालक नया भएको र घुमाउरो बाटोमा ठुलो खाल्टोमा पर्दा अनियन्त्रीत भई वस पल्टिदा सो घुर्घटना भएको प्रारम्भिक अनुसन्धानमा देखिएको आचार्यले बताए । मध्यपहाडी लोक मार्गमा सो दुर्घटना भएको हो । मोडमा मोडिदै गर्दा बाटोको विच भागमा रहेको खाल्टोमा तिव्र गतिमा रहेको वस अनियन्त्रित भई पल्टिएको देखिएको छ अथप अनुसन्धान भैरहेको बताइएको छ ।