एभरेष्ट बैंकको अग्राधिकार शेयरको सूचीकरण खारेज

७ असोज, काठमाडौं । एभरेष्ट बैंकको अग्राधिकार शेयरको सूचीकरण खारेज भएको छ । बिहीबारको अन्तिम कारोबारपछि एभरेष्टको अग्राधिकार शेयर सूचीकरण खारेज गरिएको नेप्सेले जानकारी गराएको छ ।

बैंकले हरेक तीन-तीन वर्षमा २० प्रतिशतका दरले अग्राधिकार शेयर साधारण सेयरमा परिणत गर्नुपर्ने प्रावधानअनुरूप पाँचौं तथा अन्तिमपटक बिहीबार परिणत गरेको हो ।

यससँगै एभरेष्टको ७५ लाभांशदर भएको २० लाख कित्ता अग्राधिकार शेयर बिहीबार पूर्णरूपमा सर्वसाधारण सेयरमा परिणत भएको छ । नेप्सेले बिहीबार निर्णय गर्दै अग्राधिकार शेयरको सूचीकरण खारेज गरेको हो ।