सत्यमोहन जोशीलाई डेंगु संक्रमण

७ असोज, काठमाडौं । वाङ्मय पुरुष सत्यमोहन जोशीलाई डेंगु संक्रमण भएको छ । उनलाई किष्ट मेडिकल कलेजमा उपचारका लागि भर्ना गरिएको छ ।

कमजोर महसुस र खानामा अरुचि भएपछि अस्पतालको आकस्मिक कक्षमा आएका जोशीको परीक्षण गर्दा डेंगु पुष्टि भएको किष्ट मेडिकल कलेजले जनाएको छ । अस्पताल प्रशासनले उनको अवस्था चिन्ताजनक रहेपनि नियन्त्रणमा रहेको विज्ञप्ती जारी गरी उल्लेख गरेको छ ।

१०२ वर्षका जोशीमा पिसाब संक्रमणका साथै पुरानै छाती तथा मुटुको समस्या पनि रहेको अस्पतालले जनाएको छ ।