प्रभु बैंक लिमिटेड र होलीडे क्याम्पबीच आकर्षक छुट सम्झौता

९ असोज, काठमाडौं । प्रभु बैंक लिमिटेड र कोबाङ्ग, थासाङ्ग स्थित होलीडे क्याम्प बीच विभिन्न सेवाहरुमा छुट प्रदान गर्ने सम्बन्धी सम्झौता सम्पन्न भएको छ । बैंकका तर्फबाट जोमसाेम क्षेत्र प्रमुख नरेन्द्र थकाली र होलीडे क्याम्पका तर्फबाट प्रोप्राइटर राजु गौचनद्धारा उक्त सम्झौतामा हस्ताक्षर गरेका हुन् ।

प्रभु बैंक र उक्त होटल बीच सम्पन्न सम्झौता अनुसार प्रभु बैंकमा खाता खोली बैंकिङ कारोबार गरिरहेका सम्पूर्ण ग्राहकहरुले होलीडे क्याम्पद्धारा सञ्चालित“फुड”,“वेभरेज” र “लजिङ्ग” सेवामा १० प्रतिशत छुट प्राप्त हुने भएको छ ।

याे सम्झौता अन्तर्गत होलीडे क्याम्पमा सुविधा लिन चाहनुहुने प्रभु बैंकका ग्राहकहरुले प्रभु बैंकको डेबिट कार्ड, क्रेडिट कार्ड, मोबाइल बैंकिङ, इन्टरनेट बैंकिङ च्यानलहरु प्रयोग गरी भुक्तानी गर्दा, होलीडे क्याम्पका उल्लेखित सेवाहरुमा आकर्षक छुट प्राप्त हुने व्यवस्था मिलाईएको छ । यस सम्झौताबाट बैंकका सम्पूर्ण ग्राहकहरु लाभान्वित हुने भन्ने बैंकले विश्वास लिएको छ ।