प्रचण्ड गमक्क पर्दै एकतले नयाँ घरमा सरे

१० असोज, काठमाडौं ।  नेकपा (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ सोमबार गमक्क पर्दै एकतले आफ्नो नयाँ घरमा सरेका छन् । पत्नी सीता दाहालसहित प्रचण्ड नयाँ घरमा सरेका हुन् । घर बनाएको उक्त जमिन प्रचण्डको पैतृक सम्पत्ति रहेको जनाइएको छ । करिब १० कट्ठा जमिनको मध्यभागमा उक्त घर बनेको छ ।

हाल काठमाडौंमा भने प्रचण्ड भाडाको घरमा बस्छन् । ठेकेदार शारदाप्रसाद अधिकारीको घरमा उनी भाडामा बस्ने गरेका छन्। चितवनको भरतपुर महानगरपालिका वडा नम्बर(१४ स्थित शिवनगरमा रहेको प्रचण्ड टोलमा बनेको घरमा प्रचण्ड बनाएर आज सरेका हुन् ।

बाबु मुक्तिराम दाहालले २०४८ सालतिर यहाँको रहेको केही जमिन बिक्री गरेपछि करिब ६ कट्ठा मात्रै बाँकी रहेको बताइएको छ । घर बनेको ठाउँ प्रचण्डको निर्वाचन क्षेत्रमै पर्छ। प्रतिनिधि सभाको चुनाव नजिकिँदै गर्दा प्रचण्ड आफ्नै घरमा सरेका सरेको जनाइएको छ ।