निर्वाचन बहिस्कार भन्दै चार दलले सार्वजनिक गरे संघर्षका कार्यक्रम

♦दीपक शर्मा

१० असोज, काठमाडौं । आसन्न मंसीर ४ गते हुने निर्वाचन बहिस्कार गर्दै अवज्ञा गरिने भएको छ । निर्वाचन बहिस्कार घोषणा गरेका नेकपा क्रान्तिकारी माओवादी, नेकपा बहुमत, नेकपा मसाल र माओवादी कम्युनिष्ट पार्टी नेपालले सोमबार संघर्षका कार्यक्रम सार्वजनिक गरेका हुन् ।

घोषणा गरेर चार वामपन्थी राजनीतिक दलले संघर्षका कार्यक्रम सार्वजनिक गरेका छन् महंगी, बेरोजगारी, उपभोग्य वस्तुको अभाव, भ्रष्टाचार, कोभिड, डेंंगुलगायतका रोगव्याधि झेलिरहेका नेपाली जनतामाथि थोपरिएको निर्वाचन बहिष्कार गरेका बताएका उनीहरुले विरोध र संघर्षका कार्यक्रम सार्वजनिक गरेको विज्ञप्तिमा उल्लेख गरेका छन् ।

अहिलेको आवश्यकता निर्वाचन नभई बैज्ञानिक समाजादको आवश्यकता भएको हँुदा नागरिकका समस्या समाधान संसदिय व्यवस्थाबाट नहुने नेकपा बहुमत पार्टिका प्रवत्ता हेमन्त प्रकाश ओली सुदर्शनले नेपाल बहसलाई बताए ।

विज्ञप्तिमा उल्लेख गरिएअनुसार संघर्षका कार्यक्रमहरुः

असोज २३ गते – चितवन
असोज २५ गते – जनकपुर
असोज ३१ गते – विराटनगर
कात्तिक २ गते – पोखरा
कात्तिक ४ गते – बुटवल
कात्तिक १७ गते – सुर्खेत
२०७९ कात्तिक १९ गते – धनगढी
२०७९ कात्तिक २३ गते – काठमाडौं
निर्वाचन बहिस्कार गर्ने आफुहरुको योजना रहेको बताउदै सुदर्शनले बैज्ञानिक समाजबाद आजको आवश्यकता भएको नेपाल बहसलाई बताए ।