सिट बाँडफाँट टुंग्याउन बिहानैदेखि छलफल

११ असोज, काठमाडौं । प्रदेश र प्रतिनिधि सभा निर्वाचनको सिट बाँडफाँटका लागि सत्ता गठबन्धनका दलहरुले आज पनि छलफललाई निरन्तरता दिएका छन् । सहमतिको नजिक पुगेको दाबी गर्दै आएका दलहरु बिहान आठ बजेदेखि नै छलफलमा जुटेको बताइएको छ ।

कार्यदलका एक जना सदस्यका अनुसार आज बिहान ८ बजेदेखि पुनः बैठक बसेर सिट बाँडफाँटको टुंगो लगाउन प्रयास भइरहेको छ । प्रतिनिधि तथा प्रदेश सभा सदस्यको प्रत्यक्षतर्फको उम्मेदवारी दिने मिति नजिकिदै जाँदा सत्ता गठबन्धनका दलहरुमाथि सहमतिको लागि दबाब बढ्दै गएको छ ।