होटल गाउँबेसी वालिङ्गमा प्रभु बैंकका ग्राहकलाई आकर्षक छुट

१४ असोज, काठमाडौं । प्रभु बैंक लिमिटेड र वालिङ्ग, स्याङ्जा स्थित होटल गाउँबेसी प्रा.लि. बिच विभिन्न सेवाहरुमा छुट प्रदान गर्ने सम्बन्धी सम्झौता सम्पन्न भएको छ ।  बैंकका तर्फबाट वालिङ्ग शाखा कार्यालय प्रमुख सन्तोष कुमार पौडेल रहोटल गाउँबेसी प्रा.लि.का तर्फबाट अध्यक्ष सुदन श्रेष्ठद्घारा उक्त सम्झौतामा हस्ताक्षर गरेका हुन् ।

प्रभु बैंक र उक्त होटल बिच सम्पन्न सम्झौता अनुसार प्रभु बैंकमा खाता खोली बैंकिङ कारोबार गरिरहेका सम्पूर्ण ग्राहकहरुले होटल गाउँबेसी प्रा.लि.द्धारा सञ्चालित“फुड र वेभरेज” सेवामा ५ प्रतिशत छुट प्राप्त हुने भएको छ।

याे सम्झौता अन्तर्गत होटल गाउँबेसी प्रा.लिमा सुविधा लिन चाहने प्रभु बैंकका ग्राहकहरुले प्रभु बैंकको डेबिट कार्ड, क्रेडिट कार्ड, मोबाइल बैंकिङ, इन्टरनेट बैंकिङ च्यानलहरु प्रयोग गरी भुक्तानी गर्दा,होटल गाउँबेसी प्रा.लि.का उल्लेखित सेवाहरुमा आकर्षक छुट प्राप्त हुने व्यवस्था मिलाईएको छ । यस सम्झौताबाट बैंकका सम्पूर्ण ग्राहकहरु लाभान्वित हुने बैंकले विश्वास लिएको छ ।