सुर्खेत प्रबेश गर्ने नाकाहरुमा तालिम प्राप्त कुकुर परिचालन

♦ दीपक शर्मा

१५ असोज, सुर्खेत । कर्णाली प्रदेश राजधानी सुर्खेत प्रबेश गर्ने मुख्य नाकाहरुमा प्रहरीले तालिम प्राप्त कुकुर परिचालन गरेको छ । कोहलपुर सुर्खेत सडक खन्ड अन्तर्गत रत्न राजमार्गको तालबारी र छिन्चु जाजरकोट सडक खण्डको राताचौरमा चाडपर्वमा हुन सक्ने अपराधिक गतिविधि रोक्न तालिम प्राप्त कुकुर परिचालन गरिएको जिल्ला प्रहरी कार्यालय सुर्खेतका प्रहरी नायव उपरिक्षक सुरज कार्किले नेपाल बहसलाई बताए ।

उनका अनुसार सुर्खेत प्रवेश गर्ने मुख्यनाका, वसपार्क, होटल लगायतका स्थानमा हुनसक्ने सम्भावित दुर्घटना रोक्नका लागी तालिम प्राप्त कुकुर सहित हजार १ सय ४१ जना प्रहरी पनि चरिचालन गरिएको उनले बताए । सुरक्षा व्यवस्थालाई कडा पार्नका लागी हुन सक्ने सम्भावित घटना न्युनिकरणका लागी २ वटा कुकर लुम्बिनी प्रदेशको बाँकेमा रहेको कुकुर शाखाबाट ति तालिम प्राप्त कुकुर झिकाइ परिचालन गरिएको हो ।

पछिल्लो पटक सुर्खेतमा अपराधिक क्रियाकलापमा बृद्धि हुदै गएको लागुऔषध कारोवार पनि धेरै हुने गरेको प्रहरीले निष्कर्ष निकालेको छ । कर्णालीको मुख्य प्रबेशद्धार बबइ हो । यो समयमा हातहतियार, विस्फोटक पदार्थ लागुऔषध लगायतका अन्य कुनै अपराधिक क्रियाकलाप रोक्नका लागी सहज हुने त्यसका लागी चेकजाच कडा पारिएको हो ।