बाँकेका आठ वटै नाका एक सातादेखि तस्करीका लागि खुला !
नेपालबहस संवाददाता
असोज २०, २०७९ शुक्रबार ०:५०:१७
२० असोज, काठमाडौं । दशैको मुखमा कसैको पनि आँखा नपर्ने भएपछि बाँके बर्दिया लगायत नेपाल भारत सीमा क्षेत्र तस्करीका लागि खुला भएका छन् । दशैको एक सात अघिबाटै तस्करीको लागि खुला भएका सीमा क्षेत्र अहिलेसम्म कायमै छ । सशस्त्र प्रहरीका एक जना सुरक्षाकर्मी सिमानाकामै ड्युटी बस्ने तर उनले सूचना मात्रै दिने भएकाले सशस्त्रकै मिलेमतोमा सीमा नाका कटाउन सहजीकरण गरिएको छ ।
सिमापारी भारततर्फबाट मोटरसाइकल, टाँगा, साईकलमा अबैध सामान नेपाल तर्फ तस्करी गराइएको हो । कटकुइँया, नरैनापुर, गंगापुर, खडैँचा, कालाबन्जार, जमुनाह, जयसपुर र बढैया गरी ८ वटै बीओपीहरु सिमा नाका खुला भएका छन् । ‘ सेटिङ बाहेक कुनै बेला सशस्त्र प्रहरीले सामान देखे सशस्त्र प्रहरी कहाँ आएर सामान पास गराउन बार्गेनिङ सुरु गर्छन् सशस्त्र प्रहरी र तस्करबीच केहीबेरसम्म पैसामा बार्गेनिङ चल्छ त्यसपछि सशस्त्र प्रहरीले वरपरको ‘साईड क्लियर’ गर्छन् र तस्करीलाई सामानसहित नेपाल प्रवेश गर्न अनुमति दिन्छन्’, स्रोतले भन्यो ।
बाँकेको जानकी गाउँपालिका वडा नम्बर १ शिवपुरीस्थित नेपाल–भारत अवैध नाकाबाट यस्तो काम भैरहेको स्रोतले जनाएको छ । स्थानीय बासिन्दाका अनुसार उक्त नाकाबाट यसरी नै दैनिक रुपमा सशस्त्र प्रहरीकै सेटिङमा बिना भन्सार कराडौंको सामान नेपाल भित्रिएका हुन् । स्थानीयका अनुसार उक्त नाकामा सशस्त्र प्रहरीले मात्र आफ्ना कर्मचारीलाई ड्युटीमा खटाउने र सेटिङ मिलाउने गरेका हुन् ।
सिमा सुरक्षामा खटिने सशस्त्र प्रहरी नै अवैध धन्दामा लाग्दा राज्यलाई कराडौं राजश्व नोक्सानी भइरहेपनि सशस्त्र प्रहरीका बागेश्वरी गणका जनकराज बस्नेतकै मिलेमतोमा यस्तो काम भएकाले त्यहाँबाट तस्करीको लाइन खुलाइएको हो । ‘यो नाकामा दिउँसो नै तस्करीका सामान खुलेआम रुपले भित्रिन्छ,’ स्रोतले भन्यो ‘माथिको आदेश भन्दै सामान छाडिएको छ । ’शिवपुरी नाका जस्तै जिल्लाका विभिन्न अवैध नाकाबाट पनि भन्सार छलेर सामान तस्करी हुने गरेको छ । नेपाल–भारत सिमा नाकाबाट सामान तस्करी भइरहँदा पनि रोकिएको छैन ।
अधिकांश स्थानमा सिमा सुरक्षार्थ खटिने सुरक्षाकर्मीले नै तस्करलाई पहरा दिने गरेको स्थानीयको भनाइ छ । सरकारले सिमा र भन्सार सुरक्षा गस्ती गर्न सशस्त्र प्रहरीलाई खटाएको छ । तर, बाँकेका सिमा क्षेत्रमा खटिएका सशस्त्र प्रहरीले नै तस्करीलाई मलजल गरिरहँदा पनि सशस्त्र मुख्यालय मौन रहेको छ । ‘सिमा क्षेत्रमा खटिने सशस्त्र प्रहरी कै मिलेमतोमा खुलेआम सामान तस्करी भइरहेको छ, तस्करी रोक्ने अब कस्ले?’ हिरमिनियाका एक स्थानीयले भने । सशस्त्र प्रहरीले नेपाल–भारत जमुनाहा नाकामा मात्र नभएर अन्य थुप्रै अवैध नाकाबाट दिनहुँजसो नेपालतर्फ सामान ल्याउने गरिएको छ । तस्करसँग सेटिङ मिलाएर सशस्त्र प्रहरीका उच्च अधिकारीको मिलेमतोमा सामान निर्वाध रुपमा भित्रिरहेको प्रत्यक्षदर्शी स्थानीयको भनाइ छ । त्यसरी सामान सप्लाई गरिदिए वापत सशस्त्र प्रहरीका जुनियरदेखी सिनियर अधिकारीलाई तस्करले मासिक रुपमा रकम बुझाउने गरेका छन् । यससम्बन्धमा केन्द्रीय प्रवक्ता एसएसपी पुरुषोत्तम थापाले बाहिरी जिल्लाको कुरा थाह नपाएको बताए । उनले सीमामा तस्करी रोक्ने काम भैरहेको दावी गरे ।
‘सरकारले विश्वास गरेर सुरक्षा गर्ने जिम्मा सशस्त्र प्रहरीलाई दिएको छ, तर यिनीहरु नै इमान्दार भएनन्, जसले गर्दा राज्यलाई करोडौंको राजश्व घाटा भइरहेको छ,’ स्थानीय भन्छन । सशस्त्र प्रहरी बल नम्बर ३० गण बागेश्वरी बाँकेका प्रमुख, प्रहरी उपरीक्षक (एसपी) जनकराज बस्नेत तस्करी नभएको भन्दै पन्छिए ।
सशस्त्र प्रहरी बलका सहायक प्रवक्ता डिएसपी शैलेन्द्र थापाले पनि यसबारेमा जिल्लामा बुझन्ुस भन्दै पन्छिन खोजे । ‘त्यहाँ हाम्रो गण छ त्यताबुझनु होला, नत्र केन्द्रीय प्रवक्तालाई सोध्नु होला यसबारेमा मलाई थाह हुँदैन’, डिएसपी थापाले ठाडो जवाफ दिए ।
सिमापारी भारतीय बजारबाट मालबाहक सवारी साधन, साइकल, मोटरसाइकल, अटोरिक्सा, लगायत सवारी साधनमार्फत तस्करले खाद्यान्न, लत्ता कपडा, इलेक्ट्रोनिक्स सामान, मोटर पार्ट्स लगायत भन्सार छलेर ल्याउने गरेका छन् । ‘सुरक्षाकर्मीले नै पहरा दिएर तस्करहरुको सामान नेपालतर्फ प्रवेश गराउँछन्, कहिले काही बार्गेनिङ नमिलेपछि सामान बरामद गरेको भनि प्रचार गर्छन्,’ सशस्त्र प्रहरीकै एक अधिकारीले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रमुख प्रतिपक्षलाई तीन घण्टा संसदमा उभ्याएर बजेट ल्याउने तयारी
जेठ १४, २०८१ सोमबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
जेठ ११, २०८१ शुक्रबार
सीमा सुरक्षा प्रहरी चौकी
नेपालबहस संवाददाता
जेठ १४, २०८१ सोमबार
फेरिए नारायणी अस्पतालको मेसु, डा.एनामुलले पाए जिम्मेवारी
आबिद हुसेन
जेठ १३, २०८१ आइतबार
सीमा सुरक्षा प्रहरी चौकी
जेठ १४, २०८१ सोमबार
आईपीएलमा कुन-कुन खेलाडीले के-के अवार्ड पाए ?
जेठ १४, २०८१ सोमबार
वर्षाले अवरुद्ध भएको पूर्वपश्चिम राजमार्गको नवलपुर खण्ड एकतर्फी सञ्चालनमा
जेठ १५, २०८१ मंगलबार
तनहुँमा विकास बजेटको खर्च अवस्था निराशाजनक
जेठ १५, २०८१ मंगलबार
गोरखाको साम्दोमा सशस्त्र प्रहरी बल नेपालको बोर्डर आउट पोष्ट 'बिओपी' स्थापना
जेठ १५, २०८१ मंगलबार
क्षमता अभिवृद्धि गरेर सेवा प्रवाह गर्न बीमा अभिकर्ताहरूलाई निर्देशन
जेठ १५, २०८१ मंगलबार
एक मुरी मकै फल्ने बारीमा ५० हजारभन्दा बढीको तरकारी उत्पादन
जेठ १५, २०८१ मंगलबार
नवनियुक्त अध्यक्ष महेश बरालले लिए पद तथा गोपनीयताको शपथ
जेठ १५, २०८१ मंगलबार