प्रतिनिधिसभा र प्रदेशसभा चुनावका लागि उम्मेदवारी दर्ता सुरु

२३ असोज, काठमाडौं । आगामी मंसिर ४ गते हुने प्रतिनिधिसभा र प्रदेशसभा चुनावका लागि उम्मेदवारी दर्ता सुरु भएको छ ।

प्रतिनिधिसभाका १६५ निर्वाचन क्षेत्र र प्रदेश सभाका ३३० निर्वाचन क्षेत्रमा एकसाथ उम्मेदवारी दर्ता सुरु भएको निर्वाचन आयोगले जनाएको हो । आज बिहान १० बजेदेखि साँझ ५ बजेसम्म आवश्यक कागजातसहित मनोनयन दर्ता गर्न सकिने आयोगले जनाएको छ ।

उम्मेदवारी दर्ता गराउन जाँदा २५ जना भन्दा बढी सहभागी हुन नपाइने, बाजा गाजा र झाँकी प्रदर्शन गर्न नपाइने आचारसंहिता छ ।