ङादी ग्रुप पावरको लिलामी शेयर बाँडफाँट

२५ असोज, काठमाडौं । ङादी ग्रुप पावरको लिलामीमा बिक्री गरेको लिलामी शेयर बाँडफाँट भएको छ । कम्पनीले हकप्रद शेयर निष्कासन गर्दा बिक्री नभएको सर्वसाधारण समूहको १२ लाख ५७ हजार २९० कित्ता शेयर लिलामीमार्फत बिक्रीमा ल्याएको थियो । सोही लिलामी शेयर बाँडफाँट गरिएको हो ।

जसमा न्यूनतम १६१ रुपैयाँ ‘कट आफ प्राइस’ कबोल गरेर बोलपत्र पेस गर्ने आवेदकले शेयर पाएका छन् । यसमा बिक्री प्रबन्धकको काम सिद्धार्थ क्यापिटलले गरेको हो । यसअघि कम्पनीले गएको १८ साउनदेखि ७ भदौसम्म १५० प्रतिशत हकप्रद सेयर बिक्री खुला गरेको थियो ।

कम्पनीले एक करोड ६ लाख तीन हजार ९८६ कित्ता हकप्रद शेयर बिक्री खुला गरेकोमा ९३ लाख ४६ हजार ६९६ कित्ताका लागि मात्र आवेदन परेको थियो । त्यस समयभित्र आवश्यकताअनुसार हकप्रद शेयर नबिकेपछि कम्पनीले बाँकी रहेको शेयर अहिले लिलामीमा ल्याएको हो ।