सबैभन्दा कम उम्मेदवार भएका १० क्षेत्र

२८ असोज काठमान्डौ । आगामी मंसिर ४ गते हुने निर्वाचनमा एउटै क्षेत्रबाट दर्जनौ व्यक्ति उम्मेदवार भैरहदा केहि क्षेत्रमा भने वढिमा ३ जना समम मात्र उम्मेदवार भएका छन ।

सबैभन्दा थोरै संख्यामा उम्मेदवारी परेका १० निर्वाचन क्षेत्रमध्ये पाँच वटा कर्णाली प्रदेशका रहेका छन् ।निर्वाचन आयोगका अनुसार हुम्ला, मनाङ, मुस्ताङ, बाजुरा, जुम्ला, मुगु, डोल्पा, रोल्पा, अछाम क्षेत्र नम्बर २ र दैलेख क्षेत्र नम्बर २ मा कम उम्मेदवार उठेका छन् । जसमध्ये सबैभन्दा कम उम्मेदवारी हुम्ला र मनाङमा परेको छ ।

यी दुवै क्षेत्रमा तीन–तीन जनाले मनोनयन दर्ता गरेका छन् ।दोस्रो कम संख्यामा उम्मेदवारी मुस्ताङमा परेको छ । यहाँ ४ जना मैदानमा छन् । तेस्रो कम संख्यामा उम्मेदवारी अछाम , दैलेख  बाजुरा, जुम्ला, मुगु, डोल्पा र रोल्पामा परेको छ । यी सातवटै निर्वाचन क्षेत्रमा पाँच–पाँच जनाले उम्मेदवारी दिएका छन् ।