पिपुल्स पावरको शेयर नेप्सेमा सूचीकृत

३० असोज, काठमाडौं । पिपुल्स पावर लिमिटेड ९पिपिएल०को ६३ लाख २६ हजार कित्ता नेपाल स्टक एक्सचेञ्ज ‘नेप्से’मा सूचीकृत भएको छ । खुर्सानीटार प्रधान कार्यालय रहेको पिपुल्स पावरको प्रतिशेयर १०० रुपैयाँ अंकित मूल्यको शेयर नेप्सेमा सूचीकृत भएको हो ।

बिहीबार कम्पनी र नेप्सेबीच शेयर सूचीकरणका लागि सम्झौता भएको हो । कम्पनीकोे प्राथमिक शेयर निष्काशन कार्य प्रभु क्यापिटल लिमिटेडमार्फत शेयर बिक्री खुल्ला भएको थियो ।

उद्योग प्रभावित क्षेत्रका स्थानीय बासिन्दाहरूमा वितरण गरिएको ६ लाख ३२ हजार ६०० कित्ता ‘१० प्रतिशत’, सर्वसाधारण लगानीकर्ता शेयरधनीहरूमा वितरण गरिएको ‘सामूहिक लगानी कोष र कर्मचारीहरूसमेत’ २४ लाख ६७ हजार ४०० ‘३९ प्रतिशत’ र कम्पनीका संस्थापकहरूले लगानी गरेको ३२ लाख २६ हजार कित्ता ‘५१ प्रतिशत’ शेयरसमेत गरी जम्मा ६३ लाख २६ हजार कित्ता साधारण शेयर वितरण भई धितोपत्र सूचीकरण विनियमावली, २०७५ बमोजिम असोज २६ गतेको निर्णयानुसार नेप्सेमा सूचीकृत भएको छ ।

कम्पनीले रजिष्ट्रार सम्बन्धी कार्य गर्नको निमित्त शेयर रजिष्ट्रारको रूपमा प्रभु क्यापिटललाई चयन गरेको छ । शेयर रजिष्ट्रारको रुपमा प्रभु क्यापिटलले पिपुल्स पावर लिमिटेडको धितोपत्र कारोबार सम्बन्धी अभिलेख राख्ने, दाखिला खारेजी गर्ने, नामसारी, लाभाशं तथा बोनस हितग्राहीको खातामा जम्मा गर्ने, शेयर रोक्का लगायत शेयरधनीहरूको लगत अद्यावधिक गरी राख्ने कार्यहरू गर्नेछ ।