सशस्त्र बीओपीद्धारा अवैध कुखुरा नष्ट, तस्करी नियन्त्रणमा सक्रिय

३१ असोज, सर्लाही । आसन्न चुनावको तयारीमा सुरक्षा निकायको ध्यान गईरहेका बेला सीमावर्ती नाकाहरुमा तस्करहरु सल्बलाई रहेका छन् । तस्करीमा संलग्नहरुले यही बेला ‘ईधरका माल उधर र उधरका माल इधर’ गर्ने काममा तीव्रता दिईरहेका बेला सीमा नाकामा तस्करी नियन्त्रणका लागि खटिएको सशस्त्र प्रहरी बल संग्रामपुर बीओपी पनि थप सक्रिय हुन थालेको छ ।

चुनावमा शान्ति सुरक्षाका साथसाथै छिटफूट हुने तस्करी नियन्त्रणतर्फ पनि बीओपी संग्रामपुर सक्रिय भएको हो । यसै मेसोमा अवैध रुपमा मोटरसाइकलमा राखी भारतबाट नेपालतर्फ ल्याउँदै गरिएको कुखुरा सशस्त्रको टोलीले नियन्त्रणमा लिएको हो ।

संग्रामपुर बीओपीबाट मोवाइल गस्तीमा खटिएको टोलीले आज बिहान ८ बजे सर्लाहीको पर्सा गाउँपालिकास्थित पर्सा बोर्डरमा एउटा मोटरसाइकलले १०६ पिस अवैध कुखुरा नियन्त्रणमा लिई खाल्टो खनेर नष्ट गरेको बीओपी ईञ्चार्ज सुदीप खतिवडाले नेपालबहसलाई जानकारी दिए । नष्ट गरिएको कुखुराको तौल ३८० केजी रहेको थियो ।