राप्रपा कार्यकर्ताले सूर्यमा मतदान नगरे चुनावपछि पार्टीमा नरहने लिङ्देनको चेतावनी

२ कात्तिक, काठमाडौं । राप्रपा अध्यक्ष राजेन्द्र लिङ्देनले आफ्ना कार्यकर्तालाई एमालेको सूर्य चिन्हमा भोट नहाले ४ मंसिरपछि त्यस्ता पार्टी कार्यकर्ता पाटीमा नरहने बताएका छन् ।

बुधबार धुलाबारीमा आयोजित एमाले–राप्रपा संयुक्त रूपमा आयाेजित भेलामा उनले यस्तो निर्देशन दिएका हुन् । संयुक्त कार्यकर्ता भेलामा सम्बोधनका लागि एमाले अध्यक्ष केपी शर्मा ओली पनि पुगेका छन् ।

यस क्षेत्रबाट एमालेका नेता अग्नि खरेल एमाले, राप्रपासहित चार दलीय गठबन्धनका साझा उम्मेदवार छन् । झापाकै क्षेत्र नं. ३ मा एमालेले आफ्ना उम्मेदवार नउठाएर लिङदेनलाई समर्थन गरेको छ ।