ताप्लेजुङमा ट्रयाक्टर दुर्घटना : एक किशोरीसहित ४ को मृत्यु

२ कात्तिक, ताप्लेजुङ । ताप्लेजुङको मौवाखोला गाउँपालिका–४ चाप्लिङ खोल्सामा गएराति भएको ट्रयाक्टर दुर्घटनामा ४ जनाको घटनास्थलमै मृत्यु भएको छ ।

मृत्यु हुनेमा ट्रयाक्टर चालक सोही गाउँपालिका–५ का ३१ वर्षीय पासाङ शेर्पा, ट्रयाक्टरमा सवार २४ वर्षीय फुर्वा शेर्पा, १७ वर्षीया लाक्की शेर्पा र २२ वर्षीया सर्मिला शेर्पा रहेका छन् ।

गएराति करिब साढे १२ बजे तेलाबुङबाट काम्साङतर्फ फर्किने क्रममा अल्फाबेट नखुलेको ५६५५ नम्बरको ट्रयाक्टर अनियन्त्रित भइ पल्टिएको जिल्ला प्रहरी कार्यालयले जानकारी दिएको छ ।