फ्रि भिसा र टिकटको आश्वासन बाँड्ने उम्मेदवारलाई कारबाही गर्न ओलीको माग

२ कात्तिक, झापा । नेकपा (एमाले) अध्यक्ष केपी ओलीले चुनावको मुखमा फ्रि भिसा र फ्रि टिकटको आश्वासन बाँड्ने उम्ममेदवारलाई कानूनको दायरामा ल्याउन माग गरेका छन् ।

झापा-१ को धुलाबारीमा बुधबार एमाले र राप्रपाले आयोजना गरेको संयुक्त कार्यकर्ता भेलामा ओलीले रौतहटमा प्रतिनिधिसभा सदस्यका उम्मेदवार बनेका माधवकुमार नेपालले फ्रि–भिसा र टिकटको लोभ देखाएर युवाहरूलाई भ्रमित गरेको भन्दै आपत्ति जनाए ।

उनले बारा–४ का गठबन्धनका उम्मेदवार किसन श्रेष्ठले पनि युवालाई फ्रि भिसा र फ्रि टिकटको लोभ देखाएकोमा निर्वाचन आयोगले तत्काल कारवाही गर्नुपर्ने माग गरे ।

भेलामा राप्रपा अध्यक्ष राजेन्द्र लिङ्देनले कार्यकर्तालाई सूर्यमा भोट नहाले ४ मंसिरपछि पार्टीमा भेट नहुने चेतावनी दिए ।