खानेपानीका इन्जिनियर र प्लम्बरबाट २८ लाख घुस रकम बरामद

२ कात्तिक, काठमाडौं । अख्तियार दुरुपयोग अनुसन्धान आयोगले रामेछापको मन्थलीस्थित खानेपानी तथा सरसफाई डिभिजन नं. ४ का इन्जिनियर नवराज सत्याल र प्लम्बर बखतबहादुर थापालाई २८ लाख घुससहित पक्राउ गरेको छ ।

अख्तियारको मुखलय टंगालबाट खटिएको टोलीले उनीहरुलाई मन्थलीस्थित इन्जिनियर निवासबाट आज पक्राउ गरेको हो ।

उनीहरुलाई सेवाग्राहीबाट १६ लाख रुपैयाँ नगद र १२ लाख रुपैयाँको चेक लिइसकेको अवस्थामा पक्राउ गरिएको अख्तियारले आज जारी गरेको प्रेस विज्ञप्तिमा उल्लेख छ ।