बझाङको मस्टामा जीप दुर्घटना, कम्तिमा पाँच जनाको मृत्यु

२ कात्तिक, बझाङ । बझाङको मस्टा गाउँपालिकाको चिउरी नजिकै जीप दुर्घटना हुँदा कम्तिमा पाँच जनाको मृत्यु भएको छ । सदरमुकाम चैनपुरबाट मस्टा गाउँपालिका गइरहेको जीप दुर्घटना भएको प्रहरीले जनाएको छ ।

मस्टा गाउँपालिका–१ का वडाध्यक्ष रामचन्द्र रोकायाले पाँच जनाको मृत्यु भएको पुष्टि गरेका छन् । दिउँसो ४ बजेतिर भएको दुर्घटनामा परी ८ जना घाइते भएको मष्टा गाउँपालिका वडा नं १ का अध्यक्ष रामचन्द्र रोकायाले बताए ।

उद्धार कार्य जारी रहेकोले घाइते र मृतकको संख्या थपिनसक्ने उनले बताए । उनका अनुसार मृतक पाँच जनाको शव निकालिएको छ । उद्धार कार्य जारी रहेको छ । घटनाको पूर्ण विवरण आउन बाँकी छ ।