निर्देशन नमान्ने ३५ उमेदवारलाई कारबाही गर्दै आयोग, उम्मेदवारी रद्दसम्म हुन सक्ने

२ कात्तिक, काठमाडौं । आचारसंहिता कार्यन्वयन गर्न दिएको निर्देशन पालना नगर्ने ३५ जना उम्मेदवारलाई निर्वाचन आयोगले हदैसम्मको कारवाही गर्ने तयारी गरेको छ । कारवाहीमा परेका ३५ जना उम्मेदवारको नाम भने खुलाइएको छैन् ।

आयोगको निर्देशन विपरित निर्वाचन आचारसंहिता उल्लंघन गर्ने ३५ जना उमेदवारलाई कारबाही गर्ने तयारी थालिएको आयोगले जनाएको छ । आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि उमेदवारी दिएका ३५ जना उमेदवारहरूले हद नाघेर निर्वाचन आचारसंहिता उल्लंघन गरेकोले उनीहरुलाई पनि हदैसम्मको कारवाही गर्न लागिएको हो ।

बुधबार आयोगमा निर्वाचन आयुक्त रामप्रसाद भण्डारीले धेरै ठाउँमा आचारसंहिता उल्लंघनका उजुरी परेको तर ३५ जना उमेदवारहरूले हदभन्दा माथि गएर आचारसंहिता उल्लंघन गरेको पाइएको भन्दै कारबाहीको तयारी गरिएको जानकारी दिए । उनले आयोगको कारवाहीमा उम्मेदवारको उम्मेदवारी रद्धसम् मगर्न सक्ने बताएका छन् ।

आयुक्त भण्डारीले आचारसंहिता धेरै उल्लंघन हुने समय कात्तिक १८ देखि मंसिर २ भएकाले आफूले बनाएका नीति नियमको पूर्ण पालना र कार्यान्वयन गर्न उमेदवारीहरूलाई आग्रह गरे । आयोगको आग्रहलाई नमान्ने उम्मेदवारलाई कडाभन्दा कडा कारवाही गर्न आयोग पति नपर्ने भण्डारीको भनाइ छ ।