बझाङमा ४८ वर्षीय पुरुष मृत अवस्थामा फेला

♦ शिवजी मण्डेल

३ कात्तिक, बझाङ । बझाङमा एक जना पुरुष मृत फेला परेका छन् । जिल्लाको मष्टा गाउँपालिका १ समदेउ घर भएका करिब ४८ वर्षीय लाल पुरी बिहीबार बिहान जयपृथ्वी नगरपालिका-३ डुङ्ग्री खोलामा मृत फेला परेका हुन् ।

उनको अत्यधिक मदिरा सेवन गरि डुङ्ग्री खोला नजिक सुतेकाले चिसोका कारण मृत्यु भएको हुनसक्ने जिल्ला प्रहरी कार्यालयका सूचना अधिकारी तथा प्रहरी निरिक्षक रमेशदत्त अवस्थीले बताए ।

मृतक पुरीको शव पोष्ट मार्टमका लागि जिल्ला अस्पताल सिमखेतमा लगिएको प्रहरीले जनाएको छ । मृतक पुरी हरेक दिन अत्यधिक मदिरा सेवन गर्दै हिड्ने गरेको स्थानीयले बताएका छन् ।