बझाङको थलारा गाउँपालिकामा वडा स्तरीय भलिबल प्रतियोगिता, प्रथम पुरस्कार ३० हजार ५ रुपैयाँ

♦ शिवजी मण्डेल

३ कार्तिक, बझाङ । बझाङको थलारा गाउँपालिकामा वडा स्तरीय भलिबल प्रतियोगिताको आयोजना गरिएको छ । तिहारको अवसरपारी थलारा गाउँपालिका-८ को मुख्य आयोजनामा डाँडाबाघ सायर मेला व्यवस्थापन समितिद्घारा थलारा गाउँपालिका वडा स्तरीय पुरुष भलिबल प्रतियोगिताको आयोजना गरिएको हो ।

डाँडाबाघ सायर मेला व्यवस्थापन समितिले कार्तिक १ गते एक सूचना जारी गर्दै उक्त प्रतियोगिता हुन लागेको जनाएको छ । भलिबल खेल क्षेत्रको विकास र खेलाडीलाई खेल प्रति प्रोत्साहित गर्न प्रतियोगिता हुन लागेको हो ।

उक्त प्रतियोगितामा प्रथम हुने टिमलाई ३० हजार ५ रुपैयाँ , द्वितिय लाई २० हजार ५ रुपैयाँ र तृतीय हुने टिमलाई १० हजार ५ रुपैयाँ पुरस्कार घोषण गरेको छ । टिम दर्ता शुल्क २ हजार ५ सय १० रुपैयाँ तोकिएको छ, भने दर्ता गर्ने मिती कार्तिक ५ गते बेलुका ५ बजेसम्म रहेको छ ।

प्रतियोगितामा सहभागी हुने टिमका खेलाडीहरूको नागरिकताको प्रतिलिपी र वडाको सिफारिस अनिवार्य पेस गर्नु पर्ने सूचनामा उल्लेख गरिएको छ ।

प्रतियोगिता कार्तिक ६ गते बिहान १० बजेदेखि थलारा गाउँपालिका-८ बुङ्गी जिउलामा हुनेछ । थलारा गाउँपालिका-८ ले हरेक वर्ष डाँडाबाघ सायर मेलाको अवसरमा भलिबल प्रतियोगिताको आयोजना गर्दै आएको छ ।