बीरगञ्जका सोयब अख्तरले जिते स्वर्ण

३ कात्तिक, बीरगञ्ज । पोखरामा सम्पन्न नवौँ राष्ट्रिय खेलकुद प्रतियोगिता अन्तर्गत जुडो तर्फ पर्साका म।सोयब अख्तरले स्वर्ण पदक जितेका छन् । जुडो तर्फ स्वर्ण पदक जित्ने उनी मधेस प्रदेशमै एक मात्र खेलाडी हुन् ।

उनले ५८ केजी समूहतर्फ नेपाल प्रहरीका सुवासचन्द्र बोहरालाई पराजित गर्दै गोल्ड मेडल हात पारेका हुन् । बीरगञ्ज महानगरपालिका वडा नम्बर ३ घर भएका अख्तरले तीन खेलाडीलाई पाखा लगाउँदै फाइनल पुगेका थिए । आफ्नो तौल भन्दा बढीको तौल समूहमा खेलेका उनले नेपाल प्रहरीका बोहोरालाई पछार्दै उपाधी हात पारेका हुन् ।