ग्लोबल आइएमई बैंकले शेयरधनीलाई १३.६ प्रतिशत लाभांश दिने

७  कात्तिक, काठमाडौं । ग्लोबल आइएमई बैंकले आर्थिक वर्ष २०७८–७९ को आम्दानीबाट आफ्ना शेयरधनीलाई वितरण गर्ने लाभांश प्रस्ताव गरेको छ ।

बैंक संचालक समितिको आइतबारको बैठकले आर्थिक वर्ष २०७८–७९ को वितरण योग्य मुनाफाबाट आफ्ना शेयरधनीलाई १३.६ प्रतिशत लाभांश वितरण गर्ने लाभांश प्रस्ताव गरेको हो । जसमा बोनश शेयर ३ प्रतिशत र नगद लाभांश १०.६ प्रतिशत रहेको छ । बैंकको चुक्ता पुँजी २३ अर्ब ७९ करोड रुपैयाँ छ ।

प्रस्तावित लाभांश राष्ट्र बैंकको स्वीकृति र बैंकको आगामी साधारणसभाबाट पारित भएपछि शेयरधनीले पाउनेछन् । सञ्चालक समितिले निर्णय गरेपछि लाभांस वितरण गरिने बैंकले जनाएको छ ।