सोलुखुम्बुको म विकास बहादुर हुँ, मेरो विजयी निर्विरोध जस्तै छ: बलबहादुर केसी

११ कात्तिक, काठमाडौं ।  नेपाली कांग्रेसका नेता बलबहादुर केसीले आगामी मंसिर ४ को निर्वाचनमा आफ्नो जित सुनिश्चित भएको बताएका छन् । सोलुखुम्बुबाट प्रतिनिधिसभा सदस्यमा उम्मेदवारी दिएका कांग्रेस नेता केसी आफुलाई यसपटकको निर्वाचनमा पनि विपक्षी उम्मेदवारले हराउन नसक्ने दाबी गरेका छन् ।

पूर्वमन्त्रीसमेत रहेका उनले आफूले विगतदेखि यस जिल्लाको स्थानीयदेखि संघीय सरकारसम्म पहल गरेर आर्थिक विवकासका लागि काम गरेकाले यसअघिका आफ्नो कार्यलाई हेरेर जनताले आफूलाई निर्वाचित गराउने उनको दाबी छ । उनले यसपटक निर्वाचन जितेर जिल्लामा जारी रहेका विकासका योजनालाई पूर्णता दिने र नयाँ आवस्यक विकास योजनाको सुरुवात गर्ने बताएका छन् ।

सोलुमा पत्रकाहरुसँग कुरागर्दै उनले जिल्लामा आफूलाई ‘विकास बहादुर’का नाम जनताले चिन्ने गरेको बताए । केसीले सोलुको विकासका लागि काम गर्दै आएकाले यसलाई निरन्तरता दिन पनि आफू निर्वाचित हुनुपर्ने दावी गर्दै यसबारे सोलुवासी जानकार रहेका बताए ।

सोलुखुम्बुबाट सत्तारुढ गठबन्धनका तर्फबाट उम्मेदवारी दिएका केसीले एमालेका मानवीर राईसँग प्रतिस्पर्धा गर्नुपर्नेछ । तर, केसी आफू निर्वाचित हुनेमा विश्वास व्यक्त गर्छन् । एमालेबाट राई उम्मेदवार भए पनि आफू निर्विरोधजस्तै रहेको केसीले दावी छ । हालसम्म सोलुखुम्बुमा एमालेले नजितेको इतिहास रहेको बताउँदै उनले यसपटक पनि गठबन्धनकै उम्मेदवार आफू निर्वाचित हुने उनको भनाइ छ ।

२०४८ सालपछि निरन्तर सोलुखुम्बुबाट उम्मेदवार बन्दै आएका केसीलाई यसपटक माओवादी केन्द्र, नेकपा एकीकृत समाजवादीसहित गठबन्धन दलको समर्थन रहेको छ । उनी २०४८, २०५१, २०५६ र २०७० मा भएका निर्वाचनमा विजयी भएका थिए । सोलुखुम्बुबाट विजयी भएर ह्यार्टिक गरेका उनी यसपटक पनि निर्वाचित हुनेमा निश्चिन्त देखिएका छन् ।