चुनावी तालमेल र मित्रवत प्रतिस्पर्धाका क्षेत्र छुट्याउँदै गठबन्धन

११ कात्तिक, काठमाडौं । सत्ता गठबन्धनमा रहेका दलहरुले तालमेल र मित्रवत प्रतिस्पर्धा गर्ने निर्वाचन क्षेत्रबारे जानकारी दिन संयुक्त विज्ञप्ति जारी गर्ने भएका छन् । विज्ञप्ती जारीपछि सोही अनुसार निर्वाचन अभियानमा नेता कार्यकर्ता लाग्नुपर्नेछ ।

गठबन्धन दलका एक नेताले नेपालबहसलाई दिएको जानकारी अनुसार १६५ प्रतिनिधिसभा र ३३० प्रदेशसभा निर्वाचनमा कहाँ कहाँ गठबन्धन भएको र नभएको ठाउँमा मित्रवत् प्रतिस्पर्धा गर्ने बारे जानकारी दिन लागिएको हो । विज्ञप्तीको ड्राफ तयार भइरहेको र केहीबेरमै विज्ञप्ति जारी गर्ने तयारी भइरहेको उनले बताए । ६५ प्रतिनिधि र ३३० प्रदेशसभा निर्वाचन क्षेत्रमा गठबन्धनको अवस्था सार्वजनिक गर्न लागिएको हो
सत्ता गठबन्धनमा नेपाली कांग्रेस, नेकपा (माओवादी केन्द्र), नेकपा (एकीकृत समाजवादी), लोकतान्त्रिक समाजवादी पार्टी र राष्ट्रिय जनमोर्चा छन् । १६५ प्रतिनिधि र ३३० प्रदेशसभा सबैमा गठबन्धन नभएको बालुवाटारले जनाएको छ ।