राजेन्द्र लिङ्देनलाई जिताउनु एमालेको इज्जत : ओली

११ कात्तिक, झापा । नेकपा (एमाले)का अध्यक्ष केपी शर्मा ओलीले राप्रपा अध्यक्ष राजेन्द्र लिङ्देनलाई मंसिर ४ को चुनावमा जिताउनु एमालेका लागि इज्जतको विषय भएको बताएका छन् ।

शुक्रबार झापामा आयोजित एक कार्यक्रममा लिङदेनलाई भोट माग्दै अध्यक्ष ओलीले सो कुरा बताएका हुन् । झापा ३ मा एमालेले आफ्नो उम्मेदवार नउठाएर राप्रपामा अध्यक्ष लिङदेनलाई समर्थन गरेको छ ।

अध्यक्ष ओलीले एमालेको इज्जतका लागि भए पनि झापा ३ बाट लिङ्देनलाई विजयी गराउनुपर्ने धारणा राखे । सत्ता गठबन्धनका उम्मेदवारप्रति आक्रोश पोख्दै एमालेसहितका गठबन्धनबाहेकका उम्मेदवार देशद्रोही भएको र त्यसलाई रोक्न लिङदेनलाई हलोमा भोट हालेर जिताउनुको विकल्प नरहेको बताए ।

उनले विशेषगरी सत्तारुढ गठबन्धनका उम्मेदवारलाई पराजित गर्नुपर्ने बताउँदै आफ्ना नेता कार्यकर्तालाई एमालेले समर्थन गरेका उम्मेदवारलाई जिताउने काममा लाग्न र मतदान गर्न निर्देशन दिए । उनले राप्रपा राष्ट्रिय पार्टी बन्ने दाबी समेत गरे ।

यसअघि लिङदेनले झापामा आयोजित पार्टीका नेता कार्यकर्तालाई निर्देशन दिँद्रै झापामा एमालेको भागमा परेका निर्वाचन क्षेत्रहरुमा निर्धक्कसँग एमालेका एममेदवारहरुलाई मतदान नगरे त्यस्ता कार्यकर्तालाई पार्टीबाट हटाउने चेतावनी दिएका थिए । राप्रपाले एमालेसँग चुनावी तालमेल गरेको छ ।