लोसपाको घोषणापत्र छठपछि सार्वजनिक गरिने

११ कात्तिक, काठमाडौं । लोकतान्त्रिक समाजवादी पार्टी (लोसपा)ले पनि चुनावी घोषणापत्रको तयारी गरिरहेको छ । लोसपाका कार्यकारिणी सदस्य केशव झाले चुनावी घोषणापत्रको अन्तिम तयारीमा रहेको र छठपछि सार्वजनिक गरिने बताए ।

लोसपाले पनि प्रदेश सरकारलाई अधिकार सम्मपन्न बनाउँदै, समानुपातिक सहभागिता, पहिचान र अधिकारको सुनिश्चितता, उत्पीडित समुदायको पहिचान र अधिकारको सुनिश्चिततालगायत विषयलाई घोषणापत्रमा समेटेको छ ।

घोषणपत्रको तयारीसँगै चुनावी प्रचारप्रचारको दौरानमा दुवै पार्टीका शीर्ष नेताहरु निर्वाचन क्षेत्रमा घरदैलो अभियानमा केन्द्रित छन् । लोसपाले सत्तारुढ दलहरु कांग्रेस, माओवादी केन्द्र, एकीकृत समाजवादी र जनमोर्चासँग चुनावी तालमेल गरेको छ ।