कांग्रेसको चुनावी घोषणापत्र आज आउँदै, पार्टी सभापति देउवाले सार्वजनिक गर्ने

१२ कात्तिक, काठमाडौं । नेपाली कांग्रेसले पार्टीको आगामी रणनीति, राजनीतक अस्थिरताको निकास र आर्थिक विकासमा कांग्रेस नेतृत्वको सरकारले खेल्ने भूमिकालाई समेटेर तयार पारेको घोषणापत्र शनिबार (आज) सार्वजनिक गर्ने भएको छ । घोषणपत्र सभापति देउवाले पार्टी मुख्यालय सानेपामा विहान १० बजे सार्वजनिक गर्ने कनर्यक्रम राखिएको छ ।

आगामी मंसिर ४ गते हुनगइरहेको प्रदेश र प्रतिनिधिसभा निर्वाचनमा आफ्ना आगामी नीति र कार्यक्रम मतदातामाझ पुर्याउन कांग्रेसले निर्वाचन लक्षीत घोषणा पत्र सार्वजनिक गर्ने भएको हो ।

दलहरुले अहिले घोषणापत्र विना नै मत मागिरहेका छन् । ठूला राजनीतिक दल कसैले पनि घोषणापत्र ल्याएका छ्रैनन् । कांग्रेस महामन्त्री विश्वप्रकाश शर्माका अनुसार स्थानिय तह निर्वाचनका धेरै जसो विषयहरु घोषणपत्रमा समावेश गरिएको छ ।

‘निरन्तरतमा नविनता’ नाराका साथ संविधान कार्यन्वयन, लोकतन्त्रको सुदृढीकरण, संघीयताको सवलीकरणलाई प्राथमिकतामा राखिएको महामन्त्री शर्माले जानकारी दिए । उनले लोकतान्त्रिक प्रणालीभित्र समुन्नत नेपालको विषय, फराकिलो आर्थिक अवस्था, नेपालको समन्यायिकक समाज र सांस्कृतिक विकासको एजेन्डा घोषणापत्रमा समेटिएको बताए । यस्तै जलवायु परिवर्तन, वन तथा विपत्को विषय, सार्वभौमिक समानतालगायत परराष्ट्रसम्बन्धी विषयहरु पनि समेटिएका छन् ।

घोषणपत्र तयारी समितिले घोषणापत्रमा नयाँ स्वभावका क्षेत्र र प्रविधिक विकासका कुरा पनि समावेश गरेको छ । घोषणापत्रमा केही अनुसुचि रहेका र त्यसमा पहिलो राजनीतिक विषय, दोस्रो विकास एजेन्डा र तेस्रोमा क्षेत्रगत विकासका राखिएको बताइएको छ । सुशासन, युवा, रोजगारी र अन्य एजेन्डा बलियो रुपमा उठाइएको छ ।

तीन खण्डमा तयार पारिएको उक्त घोषणा पत्र तिहार अघि नै सार्वजनिक गर्ने भनिए पनि प्रावधिक कारण देखाउँदै सार्वजनिक गरिएको थिएन । घोषणापत्रको पार्टी सभापति देउवालाई ब्रिफिङ भइसकेको छ । पार्टी केन्द्रिय कार्यालयका मुख्यसचिव कृष्णप्रसाद पौडेलले आजका लागि प्रधानमन्त्रीको समय तय भएको बताएका छन् । शनिबार बिहान १० बजे सार्वजनिक गर्ने गरी गृहकार्य भइरहेको घोषणापत्र लेखन समितिका एक सदस्यले नेपाबहसलाई जानकारी दिएका छन् ।