सत्तारुढ गठबन्धनले महोत्तरीको प्रदेश ‘क’ विवाद टुंग्यायो

१२ कात्तिक, महोत्तरी । सत्तारुढ गठबन्धन दलले महोत्तरीका विवादित क्षेत्रमध्येक केहीमा साझा उम्मेदवार टुंग्याएको छ । महोत्तरी-१ ‘क’ मा लोसपाका पिताम्बर महतो र एकीकृत समाजवादीका सुरेश राउतबीच परेको उम्मेदवार विवादमा पिताम्बर महतोलाइ वैधता प्रदान गरेको छ ।

गठबन्धनविरुद्ध गठबन्धनकै उम्मेदवार परेपछि आधिकारिक उम्मेदवारबारे अन्याैल सिर्जना भइरहेको बेला महोत्तरी-१ ‘क’ को विवाद सावधान भएको छ । क्षेत्र नं. २ ‘क’ को अझै छलफल जारी रहेको गठबन्धन दलका नेताहरुले बताएका छन । यसमा गठबन्धनभित्रैबाट लोसपाका जयनुल राइन र एकीकृत समाजवादीबाट मन्जु यादवको उम्मेदवारी परेको थियो ।

क्षेत्र नं. ‘क’ मा भने गठबन्धनका साझा उम्मेदवार लोसपाका पिताम्बर महतोलाई बनाएपछि असन्तुष्टि चुलिएको छ । ‘भोलि बैठक बसेर मात्र निर्णयमा पुग्छौं’ लोसपाका नेता तथा उम्मेदवार सुरेश राउतले भने ।