ग्वार्कोमा जिपको ठक्करबाट पैदल यात्रीको मृत्यु

१३ कात्तिक, ललितपुर । ललितपुरको ग्वार्कोमा स्कारपियो जिपको ठक्करबाट एक पैदल यात्रीको मृत्यु भएको छ ।

नम्बर खुल्न नसकेको निलो रङको स्कारपियो जिपले हिजो बेलुकी पैदल हिंडिरहेकी अन्दाजी २६ वर्षीया युवतीलाई हिजो बेलुकी पौने ८ बजे ठक्कर दिएको थियो ।

उपचारको लागि पाटन अस्पताल लैजाने क्रममा हिजो बेलुकी ८ बजे उनको बाटोमै मृत्यु भएको प्रहरी प्रभाग मंगलबजारले जनाएको छ ।

मृतकको सनाखत हुन बाँकी प्रहरी प्रभाग जनाएको छ । दुर्घटना पश्चात फरार रहेका चालकको खोजी भइरहेको ललितपुर प्रहरीले जनाएको छ ।