चुनाव जिताउनुस्, दिनरात नभनी तपाइँहरूकै काम गर्छु : चौधरी

१३ कात्तिक, कात्तिक । नेकपा (एमाले)बाट बारा क्षेत्र नम्बर १ ‘क’ का प्रदेश सभा सदस्यका उम्मेदवार त्रिलोकीप्रसाद चौधरीले आफूलाई जनताले दिएको जिम्मेवारी पूरा गर्न दिनरात नभनी काम गर्ने बताएका छन ।

२०७४ मा जनताले निर्वाचित गरेर पठाएपछि जनताकै चाहनाअनुरुप यस क्षेत्रमा ज्येष्ठ नागरिकदेखि, विभिन्न जाति, पिछडा वर्ग, अपङ्गता भएको व्यक्ति, महिला, सीमान्तकृत समुदाय, स्वास्थ्य, शिक्षा, विकास निर्माण तथा पर्यटनलगायत क्षेत्रमा काम गरेको उलले दाबी गरे । आफूले जनताले देखिने गरी चुस्त दुरुस्त ढंगबाट काम गर्न पहल गर्ने बताउँदै भोलिवादमा विश्वास नगर्ने बताए ।

‘यहाँ काम कम गर्ने र प्रचार धेरै गर्नेको आवज ठुलो हुँदो रहेछ, प्रचारप्रसार गरेर साने कामलाई पनि ठूलो काम गरेको भन्नेको भीड छ । मलाई अचम्म लाग्छ, मैले गत ५ वर्षमा निकै काम गरेँ । तर, प्रचारप्रसारमा ध्यान दिइँन, यो मेरो कमजोरी रह्यो,’ प्रदेशसभा सदस्यका उम्मेदवार चौधरीले भने, ‘मैले यसअघिको कार्यकालमा गरेका बेलाको कामलाई हेर्नुस् । मैले अहिले बढाइचढाइ गरिराख्नु पर्दैन । सबैले देख्नुभएको छ ।’

उनले आफ्नो निर्वाचन क्षेत्रको विकासको लागि शिक्षा, स्वास्थ्य, खानेपानी, सुकुम्बासी समस्यालगायतका क्षेत्रमा मुख्य रुपमा योपटक काम गर्ने बताए ।