बैतडीका ३१ मतदानस्थल अतिसंवेदनशील सूचीमा

१३ कात्तिक, बैतडी । आगामी निर्वाचनका लागि बैतडीका ३१ मतदानस्थल अतिसंवेदनशीलको सूचीमा राखिएको छ । यहाँ कूल एक सय २९ मतदानस्थल छन् । जसमध्ये ३१ स्थललाई अति संवेदनशीलको सूचीमा राखिएको हो ।

जिल्ला प्रशासन कार्यालयले सुरक्षा दृष्टिकोणले मतदानस्थललाई अति संवेदनशील, संवेदनशील र कम संवेदनशील गरी तीन श्रेणीमा राखेको छ ।

यस्तै, प्रशासनले ३४ मतदानस्थल संवेदनशील र ६५ मतदानस्थल कम संवेदनशीलको सूचीमा राखेको छ । वर्गीकरणका आधार विगतको निर्वाचनको समीक्षा, सञ्चार, यातायातको पहुँच र विभिन्न राजनीतिक दलको प्रभावजस्ता विषयलाई आधार मानिएको छ ।

जिल्लामा १० वटा स्थानीय तह छन् ।